ചാ​വ​ശേ​രി: ക​ന​ത്ത മ​ഴ​യി​ൽ വെ​ള്ളം ക​യ​റി കീ​ഴൂ​ർ ചാ​വ​ശേ​രി കൃ​ഷി ഭ​വ​നി​ൽ നാ​ശം. കഴിഞ്ഞദിവസം രാ​ത്രി​യോ​ടെ പെ​യ്ത മ​ഴ​യി​ലാ​ണ് നാ​ശ​ന​ഷ്ട​മു​ണ്ടാ​യ​ത്. ഇ​രി​ട്ടി ന​ഗ​ര​സ​ഭ​യി​ലെ ഇ​രു​പ​ത്തി​യൊ​ന്നാം മൈ​ൽ -ന​ടു​വ​നാ​ട് റോ​ഡി​ലാ​ണ് കൃ​ഷി​ഭ​വ​ൻ പ്ര​വ​ർ​ത്തി​ക്കു​ന്ന​ത്.

ന​വീ​ക​ര​ണ​ത്തി​ന്‍റെ ഭാ​ഗ​മാ​യി കൃ​ഷി​ഭ​വ​ന്‍റെ മേ​ൽ​ക്കൂ​ര​യു​ടെ ആ​സ്ബ​സ്റ്റോ​സ് ഷീ​റ്റ് നീ​ക്കം ചെ​യ്തി​രു​ന്നു. ഇ​തി​നി​ടെ​യാ​ണ് മ​ഴ പെ​യ്ത് വെ​ള്ളം ക​യ​റി​യ​ത്. വൈ​കു​ന്നേ​രം മു​ത​ൽ ആ​രം​ഭി​ച്ച മ​ഴ​യി​ൽ കൃ​ഷി​ഭ​വ​ന്‍റെ ര​ണ്ടാം നി​ല​യി​ൽ വെ​ള്ളം കെ​ട്ടി​ക്കി​ട​ക്കു​ക​യാ​യി​രു​ന്നു. മേ​ൽ​ക്ക‌ൂ​ര​യ്ക്കാ​യി സ്ഥാ​പി​ച്ച സീ​ലിം​ഗ് അ​ട​ക്കം ന​ശി​ച്ചു.

ഇ​രി​ട്ടി ന​ഗ​ര​സ​ഭ ചെ​യ​ർ​മാ​ൻ വി. ​വി​നോ​ദ് കു​മാ​ർ, സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ എം. ​രാ​ജ​ൻ, കൃ​ഷി ഓ​ഫീ​സ​ർ കെ.​ആ​ർ. ജി​തി​ൻ, സു​രേ​ഷ് ബാ​ബു, അ​മ​ൽ, വി​മ​ൽ രാ​ജ് എ​ന്നി​വ​രും ഡി​വൈ​എ​ഫ്ഐ പ്ര​വ​ർ​ത്ത​ക​രും സ്ഥ​ല​ത്തെ​ത്തി. കൃ​ഷി​ഭ​വ​ന്‍റെ ര​ണ്ടാം നി​ല​യി​ൽ സൂ​ക്ഷി​ച്ച ഫ​യ​ലു​ക​ളും മ​റ്റ് ഉ​പ​ക​ര​ണ​ങ്ങ​ളും താ​ഴ​ത്തെ നി​ല​യി​ലേ​ക്ക് മാ​റ്റു​ക​യാ​യി​രു​ന്നു. മൂ​ന്ന് മ​ണി​ക്കൂ​റോ​ളം സ​മ​യ​മെ​ടു​ത്താ​ണ് ഫ​യ​ലു​ക​ളും മ​റ്റും മാ​റ്റി​യ​ത്. വൈ​ദ്യു​തി മു​ട​ങ്ങി​യ​തോ​ടെ മൊ​ബൈ​ൽ ടോ​ർ​ച്ച് വെ​ളി​ച്ച​ത്തി​ലാ​ണ് ര​ണ്ടാം നി​ല​യി​ൽ കെ​ട്ടി​ക്കി​ട​ന്ന വെ​ള്ളം നീ​ക്കി​യ​ത്.

Tags : Heavy rains nattuvishesham lcoal news