അനീഷ് രാജ്-ഹരിത ദമ്പതികൾക്ക് ഐ.സി. ബാലകൃഷ്ണൻ എംഎൽഎ മെമന്റോ നൽകുന്നു.
മുള്ളൻകൊല്ലി: നിർധന കുടുംബത്തിന് ലൈഫ് പദ്ധതിയിൽ വീട് നിർമിക്കുന്നതിന് അഞ്ച് സെന്റ് ഭൂമി സൗജന്യമായി വിട്ടുകൊടുത്ത ദന്പതികളെ പഞ്ചായത്തിന്റെ നേതൃത്വത്തിൽ ആദരിച്ചു.
പഞ്ചായത്ത് ഓഫീസിലെ അക്കൗണ്ടന്റ് അനീഷ് രാജ്, ഭാര്യ ഹരിത എന്നിവരെയാണ് ആദരിച്ചത്. ഐ.സി. ബാലകൃഷ്ണൻ എംഎൽഎ മെമന്റോനൽകി.
ദമ്പതികൾ സമൂഹത്തിന് മാതൃകയാണെന്ന് അദ്ദേഹം പറഞ്ഞു. പഞ്ചായത്ത് പ്രസിഡന്റ് ലിസി സാബു അധ്യക്ഷത വഹിച്ചു. വൈസ് പ്രസിഡന്റ് ഷിനു കച്ചിറയിൽ, ജില്ലാ പഞ്ചായത്തംഗം ഗിരിജ കൃഷ്ണൻ, ബ്ലോക്ക് പഞ്ചായത്തംഗം വർഗീസ് മുരിയൻകാവിൽ, മുനീർ ആച്ചിക്കുളത്ത്, മിനി ജയിംസ്,അഡ്വ. പി. എ. പ്രകാശൻ എന്നിവർ പ്രസംഗിച്ചു.
Tags : Local News Nattuvishesham Wayanad