കാ​സ​ര്‍​ഗോ​ഡ്: ത​നി​ച്ചു​താ​മ​സി​ക്കു​ന്ന വീ​ട്ട​മ്മ​യെ ക​ഴു​ത്തു​ഞെ​രി​ച്ചു കൊ​ല​പ്പെ​ടു​ത്തി​യ പ്ര​തി 24 മ​ണി​ക്കൂ​റി​ന​കം അ​റ​സ്റ്റി​ല്‍. ബ​ദി​യ​ഡു​ക്ക പെ​ര്‍​ഡാ​ല സ്വ​ദേ​ശി​യാ​യ കാ​ടു​വെ​ട്ട് തൊ​ഴി​ലാ​ളി പ​ര​മേ​ശ്വ​ര എ​ന്ന ര​മേ​ശ് നാ​യി​ക്കി​നെ​യാ​ണ് (47) ബ​ദി​യ​ഡു​ക്ക പോ​ലീ​സ് അ​റ​സ്റ്റ് ചെയ്ത​ത്.

കും​ബ​ഡാ​ജെ മൗ​വ്വാ​ര്‍ അ​ജി​ല​യി​ലെ പ​രേ​ത​നാ​യ വെ​ങ്ക​പ്പ​ഷെ​ട്ടി​യു​ടെ ഭാ​ര്യ പു​ഷ്പ​ല​ത വി.​ ഷെ​ട്ടി (70) ആ​ണ് കൊ​ല്ല​പ്പെ​ട്ട​ത്. പു​ഷ്പ​ല​ത​യു​ടെ ക​ഴു​ത്തി​ലു​ണ്ടാ​യി​രു​ന്ന മൂ​ന്ന​ര പ​വ​ന്‍ തൂ​ക്ക​മു​ള്ള ക​രി​മ​ണി​മാ​ല കൈ​ക്ക​ലാ​ക്കു​ന്ന​തി​നാ​യാ​ണ് കൊ​ല ന​ട​ത്തി​യ​തെ​ന്ന് പ്ര​തി പോ​ലീ​സി​ന് മൊ​ഴി ന​ല്‍​കി.

ക​ഴു​ത്തു​ഞെ​രി​ച്ചും മൂ​ക്കും വാ​യും പൊ​ത്തി​പ്പി​ടി​ച്ചും ശ്വാ​സം​മു​ട്ടി​ച്ചാ​ണ് കൊ​ല​പാ​ത​കം ന​ട​ത്തി​യ​തെ​ന്ന് പോ​സ്റ്റു​മോ​ര്‍​ട്ടം റി​പ്പോ​ര്‍​ട്ടി​ല്‍ തെ​ളി​ഞ്ഞി​രു​ന്നു.

പു​ഷ്പ​ല​ത​യു​ടെ ക​ടി​യേ​റ്റ മു​റി​വ് പ്ര​തി​യു​ടെ വ​ല​തു​കൈ​യി​ലു​ണ്ട്. ഇ​ത് അ​ന്വേ​ഷ​ണ​ത്തി​ല്‍ നി​ര്‍​ണാ​യ​ക​മാ​യി. പു​ഷ്പ​ല​ത​യു​ടെ മു​ഖ​ത്തും പ​ല്ലി​ലും ര​ക്ത​ക്ക​റ ഉ​ണ്ടാ​യി​രു​ന്നു. ത​നി​ക്ക് ഒ​മ്പ​തു​ല​ക്ഷ​ത്തോ​ളം രൂ​പ ക​ട​മു​ണ്ടെ​ന്നും ഇ​തു വീ​ട്ടാ​നാ​ണ് മാ​ല മോ​ഷ്ടി​ച്ച​തെ​ന്നും മാ​ല വി​റ്റ​താ​യും പ​ര​മേ​ശ്വ​ര പ​റ​ഞ്ഞു. മാ​ല വി​റ്റെ​ന്ന് പ്ര​തി പ​റ​ഞ്ഞ സ്ഥ​ല​ത്ത് ബ​ദി​യ​ഡു​ക്ക പോ​ലീ​സ് ഇ​ന്നു തെ​ളി​വെ​ടു​പ്പ് ന​ട​ത്തും.

ബു​ധ​നാ​ഴ്ച രാ​ത്രി 9.40 ഓ​ടെ​യാ​ണ് വീ​ട്ടി​ല്‍ ഒ​റ്റ​യ്ക്ക് താ​മ​സി​ച്ചി​രു​ന്ന പു​ഷ്പ​ല​ത​യെ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. പ്ര​ദേ​ശ​ത്തെ​ല്ലാം യ​ന്ത്രം ഉ​പ​യോ​ഗി​ച്ച് കാ​ടു​വെ​ട്ടു​ന്ന പ്ര​തി​യെ​ക്കു​റി​ച്ച് നാ​ട്ടു​കാ​ര്‍ ന​ല്‍​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് പോ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​ത്. ഇ​തോ​ടെ​യാ​ണ് കൊ​ല​പാ​ത​ക​ത്തി​ന്‍റെ ചു​രു​ള​ഴി​ഞ്ഞ​ത്.

Tags : Housewife nattuvishesham local news