മൂവാറ്റുപുഴ : കേന്ദ്ര സര്ക്കാരിന്റെ ബജറ്റില് കേരളത്തെ പൂര്ണമായും അവഗണിച്ചെന്നാരോപിച്ച് ബ്ലോക്ക് കോണ്ഗ്രസ് കമ്മിറ്റിയുടെ നേതൃത്വത്തില് പ്രതിഷേധ റാലി സംഘടിപ്പിച്ചു. അതിവേഗ റെയില്പാത, എയിംസ് ഉള്പ്പെടെ കേരളം ദീര്ഘകാലമായി ആവശ്യപ്പെടുന്ന വികസന പദ്ധതികളൊന്നും ബജറ്റില് ഉള്പ്പെടുത്താത്തത് ഗുരുതരമായ അനീതിയാണെന്ന് യോഗം ഉദ്ഘാടനം ചെയ്ത കെപിസിസി സെക്രട്ടറി കെ.എം. സലിം ആരോപിച്ചു.
മണ്ഡലം പ്രസിഡന്റ് കെ.എ. അബ്ദുള് സലാം, ഡിസിസി ജനറല് സെക്രട്ടറി പി.പി. എല്ദോസ്, യൂത്ത് കോണ്ഗ്രസ് സംസ്ഥാന സെക്രട്ടറി മുഹമ്മദ് റഫീക്ക്, ഏബ്രഹാം തൃക്കളത്തൂര്, വി.എസ്. ഷെഫാന്, കബീര് പൂക്കടശേരി, കെ.കെ. നിഷാദ്, നഗരസഭാംഗങ്ങളായ ജിനു ആന്റണി, ജെയ്സണ് തോട്ടത്തില്, എസ്. മജീദ്, പി.പി. ജോളി, അമല് ബാബു എന്നിവര് പങ്കെടുത്തു
Tags : nattu vishesham Ignorance Budget