നെയ്യാറ്റിന്കര: ക്രിസ്തുദേവന്റെ ജനന തിരുനാള് ആഘോഷിക്കുന്നതിനുളള തിരക്കിലാണ് ക്രൈസ്തവ വിശ്വാസികള്. കാരള് സംഘങ്ങള് അവസാനവട്ട തിരുപിറവി സന്ദേശവുമയി വീടുകളിലെത്തുന്ന തിരക്കിലാണ്. പുല്ക്കൂടൊരുക്കിയും നക്ഷത്രങ്ങള് തെളിയിച്ചും നാളെ പാതിരാകുര്ബാനയുടെ ഒരുക്കങ്ങളിലാണു ദേവാലയങ്ങള്.
നെയ്യാറ്റിന്കര അമലോത്ഭവ മാതാ കത്തീഡ്രലില് നാളെ രാത്രി 11നു നടത്തുന്ന പൊന്തിഫിക്കല് ദിവ്യബലിക്കു ബിഷപ് ഡോ. സെല്വരാജന് നേതൃത്വം നല്കും. ഇടവക വികാരി മോണ്. അല്ഫോണ്സ് ലിഗോരി, സഹവികാരി ഫാ. അജിന് എസ്. രാജ് തുടങ്ങിയവര് സഹ കാര്മികരാകും.
പാറശാല മലങ്കര കത്തോലിക്കാ രൂപതാ ബിഷപ് തോമസ് മാര് യൗസേബിയൂസ് പിന്കുളം സെന്റ് ജോര്ജ് പള്ളിയില് നാളെ വൈകുന്നേരം 7.30 ന് നടത്തുന്ന തിരുപ്പിറവി തിരുക്കര്മങ്ങള്ക്ക് മുഖ്യ കാര്മികത്വം വഹിക്കും.
ചങ്ങനാശേരി അതിരൂപതയ്ക്കു കീഴിലെ അമ്പൂരി സെന്റ് ജോര്ജ് ഫൊറോന ദേവാലയത്തില് പാതിരാ കുര്ബാനയ്ക്ക് രാത്രി 11.30ന് ഫാ. സോണി കരിവേലി നേതൃത്വം നല്കും.
നെയ്യാറ്റിന്കര രൂപതയുടെ തീര്ഥാടന ദേവാലയങ്ങളായ തൂങ്ങാംപാറ കൊച്ചുത്രേസ്യ ദേവാലയത്തില് ഫാ. ജോയി മത്യസും, ബാലരാമപുരം വിശുദ്ധ സെബസ്ത്യാനോസ് ദേവാലയത്തില് ഫാ. വിക്ടര് എവരിസ്റ്റസും, മേലാരിയോട് വിശുദ്ധ മദര് തെരേസ ദേവാലയത്തില് ഫാ.ജോണ് കെപിയും, വ്ളാത്താങ്കര സവര്ഗാരോപിത മാതാ ദേവാലയത്തില് ഫാ.സി ജോയിയും മുഖ്യകാര്മ്മികരാവും.
പാറശാല മലങ്കര രൂപതയുടെ വികാരി ജനറല് മോണ്. ജോസ് കോണാത്തുവിള കുഴിഞ്ഞാന്വിള സെന്റ് മേരീസ് ദേവാലയത്തില് വിശുദ്ധ കുര്ബാന അര്പ്പിക്കും.