കോഴിക്കോട്: രാജ്യത്തെ ഏറ്റവും വലിയ കമ്പനിയായ ഇൻഡിഗോ വിമാന സർവീസ് നാലുദിവസമായി താളം തെറ്റിയിരിക്കുന്ന സാഹചര്യത്തില് ചാര്ട്ടേഡ് വിമാന സർവീസിന് അനുമതി നൽകണമെന്ന് മലബാർ ഡെവലപ്മെന്റ് കൗൺസിൽ ആവശ്യപ്പെട്ടു.
ആഭ്യന്തര യാത്രക്കാരുടെ ദുരിതം ലഘൂകരിക്കാൻ പ്രധാന നഗരങ്ങളെ ബന്ധിപ്പിച്ചു പ്രത്യേക പ്രീമിയം എസി ട്രെയിനുകള് ( ജനശതാബ്ദി, വന്ദേ ഭാരത്, ഗതിമാൻ ) റെയിൽവേ ആരംഭിക്കണം. ഈ സന്ദർഭം മുതലെടുത്ത് മറ്റു വിമാന കമ്പനികൾ യാത്രക്കാരെ കൊള്ളയടിക്കുകയാണ്.ക്രിസ്മസ്- നവവത്സര അവധിവേളകളിൽ നാട്ടിൽ വന്നു പോകാൻ ടിക്കറ്റ് ബുക്ക് ചെയ്തവർ കടുത്ത ആശങ്കയിലാണ്.
അടിയന്തര പരിഹാരത്തിന് കോവിഡ് കാലത്ത് ചാര്ട്ടേഡ് വിമാനയാത്രാ സൗകര്യം ഏർപ്പെടുത്തിയ മാതൃകയിൽ വിമാന കമ്പനികൾക്കും കോർപറേറ്റ് സ്ഥാപനങ്ങൾക്കും അനുമതി നൽകണമെന്നും ആവശ്യപ്പെട്ടു.
Tags : IndiGo Local News Nattuvishesham Kozhikode