കൊച്ചി: കലൂര് സ്റ്റേഡിയം കൈയേറി അനധികൃത നിര്മാണം നടത്തിയെന്നാരോപിച്ച് ആന്റോ അഗസ്റ്റിനും, ജിസിഡിഎ ചെയര്മാന് കെ. ചന്ദ്രന്പിള്ളയ്ക്കുമെതിരെ പോലീസില് പരാതി. എറണാകുളം ഡിസിസി പ്രസിഡന്റ് മുഹമ്മദ് ഷിയാസാണ് സിറ്റി പോലീസ് കമ്മീഷണര്ക്ക് പരാതി നല്കിയത്. പൊതു സ്ഥലം കൈയേറി, പൊതു സ്വത്ത് അനധികൃതമായി നീക്കം ചെയ്തു, അനധികൃത നിര്മാണങ്ങൾ നടത്തി തുടങ്ങിയ കുറ്റകൃത്യങ്ങള് നടത്തിയവർക്കെതിരേ ക്രിമിനല് കേസ് എടുക്കണമെന്നാവശ്യപ്പെട്ടാണ് പരാതി.
അനധികൃതമായാണ് സ്റ്റേഡിയം കൈമാറിയതെന്നും പരാതിയില് ചൂണ്ടിക്കാട്ടുന്നു. സ്റ്റേഡിയത്തിലെ സീറ്റും ലൈറ്റും അനധികൃതമായി നീക്കം ചെയ്തു തുടങ്ങിയ കാര്യങ്ങളും പരാതിയില് ചൂണ്ടിക്കാട്ടിയിട്ടുണ്ട്. നിരവധി തട്ടിപ്പു കേസുകളില് ഉള്പ്പെട്ടിട്ടുള്ള സ്പോണ്സര്ക്ക് നിയമവിരുദ്ധമായി രാജ്യാന്തര സ്റ്റേഡിയം വിട്ടുകൊടുത്തതിനു പിന്നിലെ ഗൂഢാലോചന അന്വേഷിക്കണമെന്നും ഡിസിസി നല്കിയ പരാതിയില് ആവശ്യപ്പടുന്നു.