കേരള പോലീസ് അസോസിയേഷന് കണ്ണൂര് റൂറല് ജില്ലാ സമ്മേളനം തളിപ്പറമ്പ് ഡ്രീം പാലസ് ഓഡിറ്റോറിയത്തില് കെ. രാധാകൃഷ്ണന് എംപി ഉദ്ഘാടനം ചെയ്തു പ്രസംഗിക്കുന്നു.
തളിപ്പറമ്പ്: കണ്ണൂര് റൂറല് ജില്ലയില് വനിതകള്ക്കെതിരേയുള്ള അതിക്രമങ്ങള് തടയുന്നതിനായി ആവശ്യമായ അംഗബലത്തോടെ വനിതാ പോലീസ് സ്റ്റേഷന് അനുവദിക്കണമെന്ന് കേരള പോലീസ് അസോസിയേഷന് കണ്ണൂര് റൂറല് ജില്ലാ സമ്മേളനം പ്രമേയത്തിലുടെ ആവശ്യപ്പെട്ടു.
സ്വന്തമായി കെട്ടിട സൗകര്യമില്ലാത്ത ചെറുപുഴ പോലീസ് സ്റ്റേഷന്, പയ്യന്നൂര് പോലീസ് കണ്ട്രോള് റൂം എന്നിവയ്ക്ക് പുതുതായി കെട്ടിടങ്ങള് പണിയുക, കാലപ്പഴക്കത്താല് ശോച്യാവസ്ഥയിലായ കുടിയാന്മല പോലീസ് സ്റ്റേഷന് കെട്ടിടം പൊളിച്ചു മാറ്റി പുതിയ കെട്ടിടം പണിയുക, റൂറല് ജില്ലാ പോലീസിന് മാങ്ങാട്ടുപറമ്പില് അനുവദിച്ച സ്ഥലത്ത് ആധുനിക സൗകര്യങ്ങളോടു കൂടിയ ആസ്ഥാന മന്ദിരവും അനുബന്ധസൗകര്യങ്ങളും ഏര്പ്പെടുത്തുക, കണ്ണൂര് ഗവ.മെഡിക്കല് കോളജില് പ്രിസണേഴ്സ് സെല് പണിയുക, റൂറല് ജില്ലയിലെ എംടി വിഭാഗത്തിന് വര്ക്ക് ഷോപ്പ്, വെഹിക്കിള് ഷെഡ് എന്നിവ പണിയുകയും. മെക്കാനിക്കിനെ നിയമിക്കുകയും ചെയ്യുക തുടങ്ങിയ ആവശ്യങ്ങളും പ്രമേയത്തിലൂടെ ഉന്നയിച്ചു.
കേരള പോലീസ് അസോസിയേഷന് കണ്ണൂര് റൂറല് ജില്ലാ സമ്മേളനം തളിപ്പറമ്പ് ഡ്രീം പാലസ് ഓഡിറ്റോറിയത്തില് കെ. രാധാകൃഷ്ണന് എംപി ഉദ്ഘാടനം ചെയ്തു. സംതൃപ്തമായ ഒരു പോലീസ് സേന പൊതുസമൂഹത്തിലും സംതൃപ്തിയുണ്ടാക്കുമെന്ന് എംപി പറഞ്ഞു. ജില്ലാ പ്രസിഡന്റ് ടി.വി. ജയേഷ് അധ്യക്ഷത വഹിച്ചു. കണ്ണൂര് റൂറല് ജില്ലാ പോലിസ് മേധവി അനൂജ് പലിവാള് വിശിഷ്ടാതിഥിയായിരുന്നു. റൂറല് അഡീഷണല് എസ്പി എന്.ആര്. ജയരാജ്, തളിപ്പറമ്പ് ഡിവൈഎസ്പി വി.വി. മനോജ്, പി.രമേശന്, പി.വി. രാജേഷ്, പി. ബാബുമോന്, പി.എന്.ഇന്ദു എന്നിവർ പ്രസംഗിച്ചു.
Tags : Kannur Rural nattuvishesham local news