സംസ്ഥാന യൂത്ത് ഫുട്ബോൾ ചാന്പ്യൻഷിപ്പ് നേടിയ കാസർഗോഡ് ജില്ലാ ടീം ട്രോഫിയുമായി.
തിരുവനന്തപുരം: സംസ്ഥാന യൂത്ത് ഫുട്ബോൾ ചാന്പ്യൻഷിപ്പിൽ കാസർഗോഡിനു കിരീടം. ആലപ്പുഴയെ എതിരില്ലാത്ത ഒരുഗോളിനു പരാജയപ്പെടുത്തിയാണ് കാസർഗോഡ് കിരീടത്തിൽ മുത്തമിട്ടത്.
കാസർഗോഡിനായി മുഹമ്മദ് നിഹാദ് അലിയാണ് വിജയഗോൾ നേടിയത്. ലൂസേഴ്സ് ഫൈനലിൽ കോട്ടയത്തെ ഒന്നിനെതിരെ രണ്ടുഗോളുകൾക്ക് മലപ്പുറം പരാജയപ്പെടുത്തി . വിജയികൾക്ക് മന്ത്രി വി. ശിവൻകുട്ടി ട്രോഫിയും കാഷ് അവാർഡും സമ്മാനിച്ചു.
ജില്ല ഫുട്ബോൾ അസോസിയേഷൻ പ്രസിഡന്റ് കെ.രാജീവ്, സെക്രട്ടറി കെ.എം. റഫീക്ക്, കേരള ഗ്രാമീണ് ബാങ്ക് റീജണൽ മാനേജർ സുബ്രഹ്മണ്യം പോറ്റി, തിരുവനന്തപുരം കൊന്പൻസ് മാനേജിംഗ് ഡയറക്ടർ കെ.സി. ചന്ദ്രഹാസൻ,
മുൻ ഇന്ത്യൻ ഫുട്ബോൾ താരവും ആർ.ബി.ഐ ജനറൽ മാനേജറുമായ മുഹമ്മദ് സാജിദ്, ഗോകുൽ ജി പ്രഭു, മുൻ സന്തോഷ് ട്രോഫി താരങ്ങ ളായ രവീന്ദ്രൻ നായർ, വി.പി. ഷാജി, മുൻ ഫുട്ബോൾ താരം കെ. ചന്ദ്രശേഖരൻ തുടങ്ങിയവർ സമ്മാനദാനച്ചടങ്ങിൽ സന്നിഹിതരായിരുന്നു.