ശ്രീകണ്ഠപുരം: സർവീസ് പെൻഷൻകാരുടെയും സർവീസിലിരിക്കുന്നരുടെയും മാത്രമല്ല സമസ്ത മേഖലകളിലെയും ജനങ്ങളുടെ അവകാശങ്ങൾ ഒന്നൊന്നായി നിഷേധിക്കുന്ന സർക്കാറാണ് കഴിഞ്ഞ ഒന്പതു വർഷമായി കേരളം ഭരിച്ചു കൊണ്ടിരിക്കുന്നതെന്ന് സജീവ് ജോസഫ് എംഎൽഎ.
കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ ഇരിക്കൂർ നിയോജക മണ്ഡലം വാർഷിക സമ്മേളനം ശ്രീകണ്ഠപുരം ഉമ്മൻ ചാണ്ടി ഹാളിൽ ഉദ്ഘാടനം ചെയ്തു പ്രസംഗിക്കുകയായിരുന്നു. അദ്ദേഹം.
മലയോരത്തെ പ്രശസ്ത കവികളായ ശ്രീജ അരവിന്ദ്, പി.കെ. ബാലകൃഷ്ണൻ എന്നിവരെ ചടങ്ങിൽ ആദരിച്ചു. പ്രസിഡന്റ് ജോസഫ് സഖറിയാസ് അധ്യക്ഷത വഹിച്ചു. ജില്ലാ പ്രസിഡന്റ് കെ. മോഹനൻ മുഖ്യപ്രഭാഷണം നടത്തി.
ബ്ലോക്ക് കോൺഗ്രസ് പ്രസിഡന്റ് ഇ.വി. രാമകൃഷ്ണൻ, പി.പി. ചന്ദ്രാംഗദൻ, എം.പി. കുഞ്ഞിമൊയ്തീൻ, കെ. ബാബു, കെ.സി. ജോൺ, കെ.പി.കെ. കുട്ടികൃഷ്ണൻ, പി.ടി. കുര്യാക്കോസ്, അപ്പു കണ്ണാവിൽ, വി.ജെ. ജേക്കബ്, കെ. ദിവാകരൻ, പി. ദിനേശൻ, ജോസ് അഗസ്റ്റിൻ, എം.എം. ലീല, പി.കെ. ഭാഗ്യലക്ഷ്മി എന്നിവർ പ്രസംഗിച്ചു.