കോ​ഴി​ക്കോ​ട്: കോ​ര​പ്പു​ഴ​യി​ല്‍ ഡ്ര​ഡ്ജിം​ഗ് പു​ന​രാ​രം​ഭി​ച്ച​തി​നെ​തി​രെ വി​വി​ധ രാ​ഷ്ട്രീ​യ ക​ക്ഷി​ക​ളി​ല്‍​നി​ന്നും നാ​ട്ടു​കാ​രി​ല്‍​നി​ന്നും എ​തി​ര്‍​പ്പു​യ​ര്‍​ന്ന​തി​നെ തു​ട​ര്‍​ന്ന് മ​ന്ത്രി എ.​കെ. ശ​ശീ​ന്ദ്ര​ന്‍, ജി​ല്ലാ ക​ള​ക്ട​ര്‍ സ്നേ​ഹി​ല്‍ കു​മാ​ര്‍ സിം​ഗ് എ​ന്നി​വ​രു​ടെ നേ​തൃ​ത്വ​ത്തി​ല്‍ യോ​ഗം ചേ​ര്‍​ന്നു.

ഡ്ര​ഡ്ജിം​ഗു​മാ​യി ബ​ന്ധ​പ്പെ​ട്ട് ശാ​സ്ത്രീ​യ പ​ഠ​നം ന​ട​ത്താ​ന്‍ വി​ദ​ഗ്ധ സ​മി​തി​യെ നി​യോ​ഗി​ക്കാ​നും ഫെ​ബ്രു​വ​രി 21ന​കം റി​പ്പോ​ര്‍​ട്ട് സ​മ​ര്‍​പ്പി​ക്കാ​നും മ​ന്ത്രി ക​ള​ക്ട​ര്‍​ക്ക് നി​ര്‍​ദേ​ശം ന​ല്‍​കി. റി​പ്പോ​ര്‍​ട്ട് സ​മ​ര്‍​പ്പി​ക്കു​ന്ന​ത് വ​രെ പ്ര​വൃ​ത്തി നി​ര്‍​ത്തി​വെ​ക്കാ​ന്‍ യോ​ഗ​ത്തി​ല്‍ തീ​രു​മാ​ന​മാ​യി. മ​ത്സ്യ​ത്തൊ​ഴി​ലാ​ളി​ക​ള്‍​ക്ക് പ്ര​വേ​ശ​നം ഇ​ല്ലെ​ന്ന് കാ​ണി​ച്ച് സ്ഥാ​പി​ച്ച ബോ​ര്‍​ഡ് ഉ​ട​ന്‍ നീ​ക്കാ​ന്‍ ന​ട​പ​ടി സ്വീ​ക​രി​ക്കു​മെ​ന്ന് ക​ള​ക്ട​ര്‍ അ​റി​യി​ച്ചു.

അ​മി​ത​മാ​യി മ​ണ​ല്‍ നീ​ക്ക​ല്‍, രാ​ത്രി മ​ണ​ല്‍ കൊ​ണ്ടു​പോ​ക​ല്‍, ച​ളി നീ​ക്കം ചെ​യ്യാ​തി​രി​ക്ക​ല്‍, ച​ളി പ്ര​ദേ​ശ​ത്തു​ത​ന്നെ കു​ഴി​ച്ചു​മൂ​ട​ല്‍, പ്ര​ദേ​ശ​ത്തെ കി​ണ​റു​ക​ളി​ലെ വെ​ള്ളം വ​റ്റ​ല്‍, ഉ​പ്പു​വെ​ള്ളം രൂ​പ​പ്പെ​ട​ല്‍ തു​ട​ങ്ങി​യ ആ​ശ​ങ്ക​ക​ള്‍ വി​വി​ധ രാ​ഷ്ട്രീ​യ പാ​ര്‍​ട്ടി പ്ര​തി​നി​ധി​ക​ളും കൗ​ണ്‍​സി​ല​ര്‍​മാ​രും യോ​ഗ​ത്തി​ല്‍ ഉ​ന്ന​യി​ച്ചു. വെ​ള്ളം കെ​ട്ടി​ക്കി​ട​ക്കാ​തെ ക​ട​ലി​ലേ​ക്ക് ഒ​ഴു​കി​പ്പോ​കാ​ന്‍ കോ​ര​പ്പു​ഴ മു​ത​ല്‍ അ​ഴി​മു​ഖം വ​രെ അ​ടി​ഞ്ഞു​കൂ​ടി​യ എ​ക്ക​ല്‍, മ​ണ​ല്‍ എ​ന്നി​വ നീ​ക്കം ചെ​യ്ത് കോ​ര​പ്പു​ഴ​ക്ക് ആ​ഴം കൂ​ട്ടു​ന്ന ഡ്ര​ഡ്ജിം​ഗ് 2022ലാ​ണ് ആ​രം​ഭി​ച്ച​ത്. സ​മു​ദ്ര നി​ര​പ്പി​ല്‍​നി​ന്ന് മൂ​ന്ന​ര മീ​റ്റ​ര്‍ ആ​ഴ​ത്തി​ലും 100-140 മീ​റ്റ​ര്‍ വീ​തി​യി​ലും അ​ഴി​മു​ഖ​ത്തു​നി​ന്ന് കി​ഴ​ക്കോ​ട്ട് 1600 മീ​റ്റ​ര്‍ നീ​ള​ത്തി​ലു​മാ​ണ്ഡ്ര​ഡ്ജിം​ഗ് ന​ട​ത്തു​ന്ന​ത്. മ​ഴ ആ​രം​ഭി​ക്കു​ന്ന​ത് വ​രെ ഡ്ര​ഡ്ജിം​ഗ് ന​ട​ന്നി​രു​ന്നു.

അ​നു​കൂ​ല കാ​ലാ​വ​സ്ഥ​യാ​യ​തി​നാ​ല്‍ പ്ര​വൃ​ത്തി പു​ന​രാ​രം​ഭി​ച്ച​തോ​ടെ നാ​ട്ടു​കാ​രും വി​വി​ധ രാ​ഷ്ട്രീ​യ പാ​ര്‍​ട്ടി​ക​ളും തീ​ര​സം​ര​ക്ഷ​ണ സ​മി​തി അം​ഗ​ങ്ങ​ളും എ​തി​ര്‍​പ്പ് അ​റി​യി​ച്ച​തി​നെ തു​ട​ര്‍​ന്നാ​ണ് യോ​ഗം ചേ​ര്‍​ന്ന​ത്.​യോ​ഗ​ത്തി​ല്‍ അ​സി. ക​ള​ക്ട​ര്‍ ഡോ. ​എ​സ്. മോ​ഹ​ന​പ്രി​യ, ജ​ന​പ്ര​തി​നി​ധി​ക​ള്‍, രാ​ഷ്ട്രീ​യ പാ​ര്‍​ട്ടി പ്ര​തി​നി​ധി​ക​ള്‍, വ​കു​പ്പ് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

Tags : Local News Nattuvishesham Kozhikode