രാജ്യാന്തര ചലച്ചിത്ര മേളയുടെ ഡെലിഗേറ്റ് രജിസ്ട്രേഷന് മന്ത്രി വി.എന്. വാസവന് ജൂബിലി ജോയി തോമസിന് നല്കി ഉദ്ഘാടനം നിര്വഹിക്കു
കോട്ടയം: കോട്ടയം രാജ്യാന്തര ചലച്ചിത്ര മേളയുടെ ഡെലിഗേറ്റ് രജിസ്ട്രേഷന് ആരംഭിച്ചു. 20 മുതല് 26 വരെ അനശ്വര തിയറ്ററില് നടക്കുന്ന മേളയുടെ ഡെലിഗേറ്റ് രജിസ്ട്രേഷന് മന്ത്രി വി.എന്. വാസവന് ജൂബിലി ജോയി തോമസിന് നല്കി ഉദ്ഘാടനം ചെയ്തു.
ചടങ്ങില് സംവിധായകന് ജയരാജ്, പ്രദീപ് നായര്, ജോഷി മാത്യു, വിനോദ് ഇല്ലമ്പള്ളി, സജി കോട്ടയം, വിനോദ് പി. ശിവറാം, മോനി കാരാപ്പുഴ എന്നിവര് പങ്കെടുത്തു. ഫെസ്റ്റിവല് ഓഫീസായ പകല് വീടിന്റെ ഉദ്ഘാടനം തിരുവഞ്ചൂര് രാധാകൃഷ്ണന് എംഎല്എയും ഡെലിഗേറ്റ് സെല് പ്രവര്ത്തനം നഗരസഭാ ചെയര്മാന് എം.പി. സന്തോഷ് കുമാറും നിര്വഹിച്ചു.
കേരള സംസ്ഥാന ചലച്ചിത്ര അക്കാദമി, ദേശീയ ചലച്ചിത്ര വികസന കോര്പറേഷന് എന്നിവയുടെ സഹകരണത്തോടെ കോട്ടയം ഫിലിം സൊസൈറ്റിയുടെ ആഭിമുഖ്യത്തിലാണ് മേള നടക്കുന്നത്. മുതിര്ന്നവര്ക്ക് 700 രൂപയും വിദ്യാര്ഥികള്ക്ക് 300 രൂപയും ഫിലിം സൊസൈറ്റി അംഗങ്ങള്ക്ക് 500 രൂപയുമാണ് ഡെലിഗേറ്റ് ഫീ.
Tags : Local News Nattuvishesham Kottayam