കോട്ടയം: ത്രിതല പഞ്ചായത്ത് തെരഞ്ഞെടുപ്പില് വിജയിച്ച കോട്ടയം അതിരൂപതാംഗങ്ങളായ ജനപ്രതിനിധികള്ക്ക് അതിരൂപതയുടെ നേതൃത്വത്തില് സ്വീകരണം നല്കി. ചൈതന്യ പാസ്റ്ററല് സെന്ററില് സംഘടിപ്പിച്ച യോഗത്തില് ആര്ച്ച്ബിഷപ് മാര് മാത്യു മൂലക്കാട്ട് ജനപ്രതിനിധികളെ ആദരിച്ചു. അതിരൂപത സഹായമെത്രാന്മാരായ മാര് ജോസഫ് പണ്ടാരശേരില്, ഗീവര്ഗീസ് മാര് അപ്രേം, അതിരൂപത വികാരി ജനറാള്മാരായ ഫാ. തോമസ് ആനിമൂട്ടില്, ഫാ. മൈക്കിള് വെട്ടിക്കാട്ട്, കെസിസി പ്രസിഡന്റ് ബാബു പറമ്പടത്തുമലയില് എന്നിവര് പ്രസംഗിച്ചു.
ഫാ. തോമസ് ആദോപ്പള്ളില്, ഫാ. ഏബ്രഹാം പറമ്പേട്ട്, ഫാ. മാത്യു മണക്കാട്ട്, സാബു കരിശേരിക്കല് എന്നിവര് സന്നിഹിതരായിരുന്നു. സ്മാര്ട്ട് സ്റ്റേറ്റ് റിസോഴ്സ് പേഴ്സണും ഞീഴൂര് പഞ്ചായത്ത് സെക്രട്ടറിയുമായ പ്രതീഷ്മോന് ജോയി തെരഞ്ഞെടുക്കപ്പെട്ട പഞ്ചായത്ത് മെംബര്മാരുടെ “ഉത്തരവാദിത്വങ്ങളും കടമകളും, പ്രവര്ത്തനമേഖലകളും സാധ്യതകളും’’ എന്ന വിഷയത്തില് ക്ലാസ് നയിച്ചു.
അതിരൂപത പാസ്റ്ററല് കൗണ്സില്, പ്രിസ്ബിറ്ററല് കൗണ്സില്, ക്നാനായ കത്തോലിക്കാ കോണ്ഗ്രസ്, ക്നാനായ കാത്തലിക് വിമന്സ് അസോസിയേഷന്, ക്നാനായ കാത്തലിക് യൂത്ത് ലീഗ് എന്നിവയുടെ സഹകരണത്തോടെയാണ് അനുമോദന യോഗം ക്രമീകരിച്ചത്. ജില്ലാ പഞ്ചായത്ത് പ്രസിഡന്റ്, പഞ്ചായത്തു പ്രസിഡന്റ് തലങ്ങളിലേക്കുള്പ്പെടെ അതിരൂപതാംഗങ്ങളായ 81 പേരാണ് വിവിധ തദ്ദേശ സ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ടിട്ടുള്ളത്
Tags : nattu vishesham representatives people