മങ്കൊമ്പ് : കുട്ടനാട്ടിലെ കർഷകരെ പൂർണ്ണമായും അവഗണിച്ച ഒരു ബജറ്റാണ് ധനമന്ത്രി ബാലഗോപാൽ നിയമസഭയിൽ അവതരിപ്പിച്ചതെന്ന് കെപിപിസിസി ജനറൽ സെക്രട്ടറി കറ്റാനം ഷാജി. രാമങ്കരിയിൽ നടന്ന കുട്ടനാട് നോർത്ത് ബ്ലോക്ക് കോൺഗ്രസ് കമ്മിറ്റിയോഗം ഉദ്ഘാടനം ചെയ്യുകയായിരുന്നു അദ്ദേഹം.
നെല്ലുവില വർധിപ്പിക്കുന്നതിനോ, സംഭരണവില കർഷകർക്ക് നൽകുന്നതിനായി റിവോൾവിംഗ് ഫണ്ട് വകയിരുത്തുവാനോ, കുടിവെള്ളക്ഷാമം പരിഹരിക്കുന്നതിനോ ഒരു രൂപ പോലും ബജറ്റിൽ ഉൾപ്പെടുത്തിയില്ല. മാത്രമല്ല വെള്ളപ്പൊക്ക ദുരന്തം നേരിടുന്നതിനുള്ള പ്രവൃത്തികൾ പോലും ബജറ്റിൽ പ്രതിപാദിച്ചില്ല. തീർത്തും കുട്ടനാട്ടുകാർ നിരാശയോടെയാണ് ടി ബജറ്റ് വിലയിരുത്തുന്നതെന്നും അദ്ദേഹം ആഭിപ്രായപ്പെട്ടു.
ബ്ലോക്ക് കോൺഗ്രസ് കമ്മിറ്റി പ്രസിഡന്റ് സി.വി. രാജീവ് അദ്ധ്യക്ഷത വഹിച്ച ചടങ്ങിൽ ഡിസിസി വൈസ് പ്രസിഡന്റ് സജി ജോസഫ് മുഖ്യ പ്രഭാഷണം നടത്തി, ജോസഫ് ചേക്കോടൻ, ഡി. ലോനപ്പൻ, അനിൽ തൈവീടൻ, ടി. ഡി അലക്സാണ്ടർ, ജി. സൂരജ്, എ.കെ. കുഞ്ചറിയ, പ്രൊഫ. എൻ.ജി രാജഗോപാൽ, തോമസുകുട്ടി സെബാസ്റ്റ്യൻ തുടങ്ങിയവർ പ്രസംഗിച്ചു.
Tags : nattu vishesham Kuttanad budget