കുറ്റ്യാടി: കുറ്റ്യാടി ടൗണിലെ ഗതാഗത കുരുക്കിന് പരിഹാരമായി ഒത്തിയോട്ട് കരണ്ടോട് ബൈപാസ് പദ്ധതിക്കായി സ്ഥലമേറ്റെടുക്കല് നടപടികള് ആരംഭിച്ചു. ബൈപാസിന്റെ അതിര്ത്തി നിര്ണയിക്കുന്നതിനായി കല്ലിടല് നടപടികള് സിറാജുല് ഹുദാ കോമ്പൗണ്ടില്നിന്ന് ആരംഭിച്ചു. രണ്ട് ദിവസത്തിനകം സര്വേ ഉള്പ്പെടെയുള്ള പ്രാഥമിക നടപടികള് പൂര്ത്തിയാക്കാനാണ് അധികൃതരുടെ തീരുമാനം.
സ്ഥലമേറ്റെടുക്കുന്നതിനായി രണ്ടേമുക്കാല് കോടി രൂപയും റോഡ് നിര്മാണത്തിനായി ആറ് കോടി രൂപയും അനുവദിച്ചിട്ടുണ്ട്. കായക്കൊടി പഞ്ചായത്ത് പരിധിയിലെ തളീക്കരയ്ക്കു സമീപമുള്ള ഒത്തിയോട്ടില്നിന്ന് ആരംഭിച്ച് കരണ്ടോട് വഴി നരിക്കൂട്ടും ചാലില് അവസാനിക്കുന്ന രീതിയിലാണ് ബൈപാസ് രൂപകല്പന ചെയ്തിരിക്കുന്നത്.
ഏകദേശം ഒന്നര കിലോമീറ്റര് ദൂരം വരുന്ന ബൈപാസ് പൂര്ത്തിയായാല് തൊട്ടില്പാലം ഭാഗത്ത് നിന്നുള്ള യാത്രക്കാര്ക്ക് കുറ്റ്യാടി ടൗണില് പ്രവേശിക്കാതെ തന്നെ വടകര, തലശ്ശേരി ഭാഗങ്ങളിലേക്ക് പോകാനാവും. വടകര, തലശ്ശേരി ഭാഗത്ത് നിന്നുള്ളവര്ക്കു തൊട്ടില്പാലം, വയനാട് മേഖലകളിലേക്കും ഗതാഗതക്കുരുക്കില്ലാതെ എത്താനാകും.
Tags : Local News Nattuvishesham Kozhikode