നിലന്പൂർ കോവിലകത്തുമുറി ഡിവിഷനിൽ മത്സരിക്കുന്ന അരുമ ജയകൃഷ്ണൻ പത്രിക സമർപ്പിക്കുന്നു.
നിലമ്പൂർ:നിലമ്പൂർ നഗരസഭയിൽ പോർക്കളം തുറന്ന് എൽഡിഎഫ്. നഗരസഭയിലെ എൽഡിഎഫ് സ്ഥനാർഥികൾ ഇന്നലെ നാമനിർദേശപത്രിക സമർപ്പിച്ചു. എൽഡിഎഫ് നേതാക്കൾക്കും പ്രവർത്തകർക്കുമൊപ്പം പ്രകടനമായി എത്തിയാണ് സ്ഥാനാർഥികൾ വരണാധികാരിക്ക് മുന്നിൽ പത്രിക സമർപ്പിച്ചത്.
നഗരസഭ വൈസ് ചെയർപേഴ്സണ് അരുമ ജയകൃഷ്ണൻ, സ്റ്റാൻഡിംഗ് കമ്മിറ്റി ചെയർമാൻമാരായ കക്കാടൻ റഹീം, പി.എം.ബഷീർ, ഷൈജിമോൾ, യു.കെ.ബിന്ദു ഉൾപ്പെടെനിലവിലെ 11 കൗണ്സിലർമാർ അടക്കം 36 ഡിവിഷനുകളിലേക്ക് മത്സരിക്കുന്ന സ്ഥാനാർഥികളാണ് പത്രിക സമർപ്പിക്കാനെത്തിയത്.
നഗരസഭാ ചെയർമാൻ മാട്ടുമ്മൽ സലീം, വൈസ് ചെയർപേഴ്സണ് അരുമ ജയകൃഷ്ണൻ, സിപിഎം നിലമ്പൂർ ഏരിയാ സെക്രട്ടറി കെ. മോഹൻ, നിലന്പൂർ ലോക്കൽ സെക്രട്ടറി വെട്ടുമ്മൽ ശ്രീധരൻ, ചന്തക്കുന്ന് ലോക്കൽ സെക്രട്ടറി ബാബുമോൻ ജോസഫ്, സിപിഐ മണ്ഡലം സെക്രട്ടറി എം. മുജീബ് റഹ്മമാൻ,
കേരള കോണ്ഗ്രസ്-എം ജില്ലാ വൈസ് പ്രസിഡന്റ് സ്കറിയ ക്നാം തോപ്പിൽ, എൻസിപി ബ്ലോക്ക് പ്രസിഡന്റ് പരുന്തൻ നൗഷാദ്, എൻ. വേലുക്കുട്ടി ഉൾപ്പെടെയുള്ള നേതാക്കളാണ്
സ്ഥാനാർഥികൾക്കൊപ്പം എത്തിയത്. 36 ഡിവിഷനുകളിൽ മുന്നണി ധാരണ പ്രകാരം സിപിഎം 27. സിപിഐ 5. കേരളാ കോണ്ഗ്രസ്- എം. 1. എൻസിപി -എസ് 1. ജനാധിപത്യ കേരളാ കോണ്ഗ്രസ് 1. നാഷണൽ ലീഗ് 1 ഡിവിഷനുകളിലാണ് മത്സരിക്കുക.