കോട്ടയം: നിയമസഭാ തെരഞ്ഞെടുപ്പിനുള്ള ഇലക്ട്രോണിക് വോട്ടിംഗ് യന്ത്രങ്ങളുടെ പ്രാഥമിക പരിശോധന ജില്ലയില് പൂര്ത്തിയായി. പുതുതായി രൂപീകരിച്ച 227 ബൂത്തുകളടക്കം ജില്ലയില് 1791 ബൂത്തുകളാണ് നിയമസഭാ തെരഞ്ഞെടുപ്പിന് സജ്ജമാക്കുന്നത്.
2239 ബാലറ്റ് യൂണിറ്റുകള്, 2239 കണ്ട്രോള് യൂണിറ്റുകള്, 2412 വിവി പാറ്റുകള് എന്നിവയുടെ പ്രാഥമിക പരിശോധനയാണ് പൂര്ത്തിയായത്. പ്രാഥമിക പരിശോധന പൂര്ത്തീകരിച്ച വോട്ടിംഗ് യന്ത്രങ്ങളില്നിന്ന് രാഷ്ട്രീയ കക്ഷി പ്രതിനിധികള് തെരഞ്ഞെടുത്ത അഞ്ചു ശതമാനം വോട്ടിംഗ് യന്ത്രങ്ങളില് മോക്ക് പോള് നടത്തി കൃത്യത ഉറപ്പുവരുത്തി.
ജില്ലാ കളക്ടര് ചേതന്കുമാര് മീണ, ഇലക്ഷന് ഡെപ്യൂട്ടി കളക്ടര് ഷീബാ മാത്യു, എഫ്എല്സി സൂപ്പര്വൈസര് ജി. പ്രശാന്ത്, എം. അരുണ്, ഇ.സി. ഗിരീഷ്കുമാര് എന്നിവര് മോക്ക്പോളിന് നേതൃത്വം നല്കി