വൈത്തിരി താലൂക്കിൽ ലൈബ്രറി കൗണ്സിലിനു കീഴിലുള്ള ലൈബ്രറികളെ ഹരിത ഗ്രന്ഥശാലകളായി പ്രഖ്യാപിക്കുന്നതിന് എടഗുനിയിൽ സംഘടിപ്പിച്ച ചടങ്ങിൽനിന്ന്.
കൽപ്പറ്റ: വൈത്തിരി താലൂക്കിൽ ലൈബ്രറി കൗണ്സിലിനു കീഴിലുള്ള മുഴുവൻ ലൈബ്രറികളെയും ഹരിത ഗ്രന്ഥശാലകളായി പ്രഖ്യാപിച്ചു. ഇതിന് എടഗുനി ടിആർവി സ്മാരക ഗ്രന്ഥശാലയിൽ സംഘടിപ്പിച്ച ചടങ്ങ് ജില്ലാ ലൈബ്രറി കൗണ്സിൽ സെക്രട്ടറി പി.കെ. സുധീർ ഉദ്ഘാടനം ചെയ്തു.
ഹരിത കേരളം മിഷൻ ജില്ലാ കോ ഓർഡിനേറ്റർ ഇ. സുരേഷ് ബാബു ഹരിത ഗ്രന്ഥശാല പ്രഖ്യാപനവും സർട്ടിഫിക്കറ്റ്-അനുമോദന പത്ര വിതരണവും നടത്തി.
താലൂക്ക് ലൈബ്രറി കൗണ്സിൽ പ്രസിഡന്റ് സി.കെ. രവീന്ദ്രൻ അധ്യക്ഷത വഹിച്ചു. ഹരിത കേരളം മിഷൻ നടത്തിയ ഉപന്യാസ മത്സരത്തിലെ വിജയികൾക്കു സമ്മാനം നൽകി. ജില്ലാ ലൈബ്രറി കൗണ്സിൽ ജോയിന്റ് സെക്രട്ടറി എം. ദേവകുമാർ, താലൂക്ക് ജോയിന്റ് സെക്രട്ടറി ഡോ. ജിതിൻ കണ്ടോത്ത്,
ജില്ലാ ലൈബ്രറി കൗണ്സിൽ എക്സിക്യുട്ടിവ് കമ്മിറ്റിയംഗം എം. ദിവാകരൻ, എ.കെ. മത്തായി, താലൂക്ക് എക്സിക്യുട്ടീവ് കമ്മിറ്റി അംഗങ്ങളായ സി. ജയരാജൻ, എം.ജി. സതീഷ്കുമാർ, ടി.ആർ.വി ഗ്രന്ഥശാല പ്രസിഡന്റ് എൻ. രാമനുജൻ, താലൂക്ക് സെക്രട്ടറി സി.എം. സുമേഷ് ടിആർവി സ്മാരക ഗ്രന്ഥശാല സെക്രട്ടറി വി.വി. പാർവതി എന്നിവർ പ്രസംഗിച്ചു.
Tags : Local News Nattuvishesham Wayanad