അങ്ങാടിപ്പുറം റെയിൽവേ സ്റ്റേഷനിലെ ഒന്നാം പ്ലാറ്റ്ഫോമിൽ ഫൂട്ട് പാത്തിനോട് ചേർന്ന് ലിഫ്റ്റ് സ്ഥാപിക്കുന്ന പ്രവൃത്തി തുടങ്ങിയപ്പോൾ.
അങ്ങാടിപ്പുറം: നിലന്പൂർ- ഷൊർണൂർ പാതയിലെ പ്രധാന സ്റ്റേഷനുകളിലൊന്നായ അങ്ങാടിപ്പുറം റെയിൽവേ സ്റ്റേഷനിൽ ലിഫ്റ്റ് സൗകര്യം ഒരുങ്ങുന്നു. പ്രായാധിക്യമുള്ളവർക്കും ഭിന്നശേഷിക്കാർക്കും യാത്രാസൗകര്യം ഒരുക്കാൻ ലിഫ്റ്റ് സ്ഥാപിക്കുന്ന പ്രവൃത്തി പുരോഗമിക്കുകയാണ്. അമൃത് ഭാരത് പദ്ധതിയിൽ ഉൾപ്പെടുത്തിയുള്ള സ്റ്റേഷൻ നവീകരണ പ്രവൃത്തിയുടെ ഭാഗമായാണിത്.
ഒന്നാം പ്ലാറ്റ്ഫോമിൽനിന്ന് രണ്ടാം പ്ലാറ്റ്ഫോമിലേക്കുള്ള ഫൂട്ട്പാത്തിനോട് ചേർന്നാണ് ലിഫ്റ്റുകൾ സ്ഥാപിക്കുന്നത്. കുലുക്കല്ലൂർ -മേലാറ്റൂർ ഭാഗങ്ങളിലെ ക്രോസിംഗ് സ്റ്റേഷനുകളുടെ നിർമാണ പ്രവൃത്തി പൂർത്തിയാകുന്നതോടെ കൂടുതൽ ട്രെയിനുകൾ പാതയിലൂടെ സർവീസ് തുടങ്ങും.
Tags : Local News Nattuvishesham Malappuram