വയനാട് ജില്ലാ ലൈബ്രറി കൗണ്സിൽ മുട്ടിൽ എംആർ ഓഡിറ്റോറിയത്തിൽ സംഘടിപ്പിച്ച സെമിനാർ സംസ്ഥാന ലൈബ്രറി കൗണ്സിൽ എക്സിക്യുട്ടീവ് കമ്മിറ്റി അംഗം ഡോ. പി.കെ. ഗോപൻ
കൽപ്പറ്റ: വയനാട് ജില്ലാ ലൈബ്രറി കൗണ്സിൽ മൂന്നാമത് അക്ഷരപുരസ്കാരങ്ങളുടെ വിതരണവും സെമിനാറും മുട്ടിൽ എംആർ ഓഡിറ്റോറിയത്തിൽ നടത്തി. സംസ്ഥാന ലൈബ്രറി കൗണ്സിൽ എക്സിക്യുട്ടീവ് കമ്മിറ്റി അംഗം ഡോ. പി.കെ. ഗോപൻ "കേരളം എഴുത്ത്, വായന, പ്രതിരോധം' എന്ന വിഷയം അവതരിപ്പിച്ച സെമിനാർ ഉദ്ഘാടനം ചെയ്തു.
ലൈബ്രറി കൗണ്സിൽ ജില്ലാ പ്രസിഡന്റ് പി.കെ. സത്താർ അധ്യക്ഷത വഹിച്ചു. മുട്ടിൽ പഞ്ചായത്ത് പ്രസിഡന്റ് സി.പി. രഞ്ജിത്ത് മുഖ്യാതിഥിയായി. സംസ്ഥാന ലൈബ്രറി കൗണ്സിൽ എക്സിക്യുട്ടിവ് കമ്മിറ്റിയംഗം എസ്. സത്യവതി ഉപഹാരവിതരണം നടത്തി.
സാഹിത്യ മേഖലയിലെ അക്ഷര പുരസ്കാരങ്ങൾ ഷീല ടോമി, ഡോ. കെ. രമേശൻ, സി.വി. ജോയ്, സ്റ്റെല്ല മാത്യു എന്നിവർ ഏറ്റുവാങ്ങി. മാനന്തവാടി ഗോത്രദീപം ട്രൈബൽ ലൈബ്രറി(ജില്ലയിലെ മികച്ച ലൈബ്രറി), വെള്ളമുണ്ട വിജ്ഞാൻ ലൈബ്രറി(മാനന്തവാടി താലൂക്കിലെ മികച്ച ലൈബ്രറി), വണ്ടിയാന്പറ്റ യുവശബ്ദം ഗ്രന്ഥശാല(വൈത്തിരി താലൂക്കിലെ മികച്ച ലൈബ്രറി), പാപ്ലശേരി ഇ.കെ. നായനാർ വായനശാല(ബത്തേരി താലൂക്കിലെ മികച്ച ലൈബ്രറി) പ്രതിനിധികൾ,
മാണ്ടാട് ഗ്രാമോദയം ക്ലബ് ആൻഡ് ലൈബ്രറിയിലെ പി.എം. യെൽദോ(ജില്ലയിലെ മികച്ച ലൈബ്രേറിയൻ), വി.പി. ഷിനോജ്-മാനന്തവാടി, കെ.ജെ. തോമസ്-ബത്തേരി, ജാസ്മിൻ ലിജോ-വൈത്തിരി(മികച്ച താലൂക്ക് ലൈബ്രേറിയൻമാർ)എന്നിവർ പുരസ്കാരം ഏറ്റുവാങ്ങി. ജില്ലാതല വായനാമത്സര വിജയികൾക്കുള്ള സമ്മാനം വിതരണം ചെയ്തു. മുട്ടിൽ പഞ്ചായത്ത് വൈസ് പ്രസിഡന്റ് ലീന സി. നായർ, ജില്ലാ ലൈബ്രറി കൗണ്സിൽ വൈസ് പ്രസിഡന്റ് പി. സാജിത, ജില്ലാ ജോയിന്റ് സെക്രട്ടറി എം. ദേവകുമാർ,
സംസ്ഥാന സമിതി അംഗങ്ങളായ പി. ശിവദാസ്, താലൂക്ക് പ്രസിഡന്റുമാരായ സി.കെ. രവീന്ദ്രൻ, ടി.എം. നളരാജൻ, കെ. ഷബിത, താലൂക്ക് സെക്രട്ടറി വി.എൻ. ഷാജി, ജില്ലാ ലൈബ്രറി കൗണ്സിൽ സെക്രട്ടറി പി.കെ. സുധീർ വൈത്തിരി താലൂക്ക് ലൈബ്രറി കൗണ്സിൽ സെക്രട്ടറി സി.എം. സുമേഷ് എന്നിവർ പ്രസംഗിച്ചു.
Tags : Local News Nattuvishesham Wayanad