പത്തനംതിട്ട: ജില്ലയില് തദ്ദേശ തെരഞ്ഞെടുപ്പ് നടപടി സമാധാനപരമായും കാര്യക്ഷമമായും പൂര്ത്തിയാക്കിയതായി ജില്ലാ കളക്ടര് എസ്. പ്രേം കൃഷ്ണൻ. ജില്ലാ തെരഞ്ഞെടുപ്പ് വിഭാഗത്തിന്റെ നേതൃത്വത്തില് ബന്ധപ്പെട്ട ഉദ്യോഗസ്ഥരെ അനുമോദിച്ചു.
ജില്ലാ കളക്ടര് അധ്യക്ഷത വഹിച്ചു. തെരഞ്ഞെടുപ്പ് നടപടി കൃത്യമായും സമയബന്ധിതമായും പൂര്ത്തിയാക്കുന്നതില് ഉദ്യോഗസ്ഥര് നടത്തിയ ഉത്തരവാദിത്തം അഭിനന്ദനാര്ഹമാണ്. തെരഞ്ഞെടുപ്പ് പ്രവര്ത്തനങ്ങളുടെ ഏകോപനത്തിന് ഇലക്ഷന് കമ്മീഷന്റെ അനുമോദനം ജില്ലയ്ക്ക് ലഭിച്ചതായും ജില്ലാ കളക്ടര് അറിയിച്ചു.
തദ്ദേശ തെരഞ്ഞെടുപ്പിന്റെ വിവിധ ഘട്ടങ്ങളില് പങ്കാളികളായ ഉദ്യോഗസ്ഥരെ ചടങ്ങില് അനുമോദിച്ചു.തിരുവല്ല സബ് കളക്ടര് സുമിത് കുമാര് ഠാക്കൂർ, എഡിഎം ബി ജ്യോതി, ഇലക്ഷന് ഡെപ്യൂട്ടി കളക്ടര് ബീന എസ്. ഹനീഫ, വിവിധ വകുപ്പ്തല ഉദ്യോഗസ്ഥര് തുടങ്ങിയവര് പങ്കെടുത്തു.