പനങ്ങാട്: കളഞ്ഞു കിട്ടിയ സ്വർണമാല തിരികെ നൽകി മാതൃകയായി. കുമ്പളം സ്വദേശിയായ കണിശേരി വീട്ടിൽ സഹദേവനാണ് തനിക്ക് വഴിയിൽ കിടന്നു കിട്ടിയ സ്വർണ്ണമാല തിരികെ നൽകിയത്.
കുമ്പളം സെന്റ് ജോസഫ്സ് പള്ളിയിലെ കപ്യാരായ ഐക്യനാട്ടിൽ റാഫേലിന്റെ രണ്ടു പവനോളം തൂക്കംവരുന്ന സ്വർണമാലയാണ് തിങ്കളാഴ്ച്ച ഉച്ചയോടെ പള്ളിയിലേക്ക് വരുന്ന സമയം പള്ളിയുടെ മുൻവശത്തുള്ള ബേക്കറിക്ക് സമീപം കളഞ്ഞുപോയത്. അതുവഴി വന്ന റിട്ട. കെഎസ്ഇബി ജീവനക്കാരനായ സഹദേവൻ തനിക്ക് വഴിയിൽ കിടന്നുകിട്ടിയ മാല കെഎസ്ഇബി ഉദ്യോഗസ്ഥർക്കൊപ്പമെത്തി പനങ്ങാട് പോലീസ് സ്റ്റേഷനിൽ ഏൽപ്പിക്കുകയായിരുന്നു.
തൊട്ടടുത്ത സമയം തന്നെ മാലയുടെ ഉടമസ്ഥനായ റാഫേൽ പോലീസ് സ്റ്റേഷനിലെത്തുകയും എസ്ഐ സേതുവിന്റെ സാന്നിധ്യത്തിൽ സഹദേവൻ മാല ഉടമസ്ഥന് കൈമാറുകയായിരുന്നു.
Tags : nattu vishesham gold necklace returned