കായംകുളം: ഗാന്ധിജിയെ കൊലപ്പെടുത്തിയ വർഗീയവാദികളുടെ പിൻതലമുറക്കാർ ഗാന്ധിജിയുടെ ഓർമകളെപ്പോലും ഭയപ്പെടുന്നുവെന്നതിന്റെ തെളിവാണ് സംഘപരിവാർ ശക്തികളുടെ നേതൃത്വത്തിൽ രാജ്യമെമ്പാടും നടക്കുന്ന ഗാന്ധി തമസ്ക്കരണമെന്ന് കെപിസിസി ജനറൽ സെക്രട്ടറി കെ.പി. ശ്രീകുമാർ അഭിപ്രായപ്പെട്ടു.
കായംകുളം സൗത്ത്-നോർത്ത് ബ്ലോക്ക് കോൺഗ്രസ് കമ്മിറ്റികളുടെ സംയുക്താഭിമുഖ്യത്തിൽ നടന്ന മഹാത്മാഗാന്ധി 78-ാം രക്തസാക്ഷിത്വ ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
നോർത്ത് ബ്ലോക്ക് കോൺഗ്രസ് കമ്മിറ്റി പ്രസിഡന്റ് ടി. സൈനുലാബ്ദീൻ അധ്യക്ഷത വഹിച്ചു. കെപിസിസി ജനറൽ സെക്രട്ടറി ഇ. സമീർ മുഖ്യപ്രഭാഷണം നടത്തി.
സൗത്ത് ബ്ലോക്ക് പ്രസിഡന്റ് ചിറപ്പുറത്ത് മുരളി, കെപിസിസി സെക്രട്ടറി എ. ത്രിവിക്രമൻ തമ്പി, ഡിസിസി ജനറൽ സെക്രട്ടറിമാരായ എ.ജെ. ഷാജഹാൻ, എം. വിജയമോഹൻ, എ.എം. കബീർ എന്നിവർ പ്രസംഗിച്ചു.