മാനന്തവാടി: ദ്വാരക സിയോൻ ധ്യാന കേന്ദ്രത്തിൽ നടന്നുവരുന്ന മാനന്തവാടി രൂപത ബൈബിൾ കണ്വൻഷൻ ഇന്ന് സമാപിക്കും. വടുവൻചാൽ അനുഗ്രഹ ധ്യാനകേന്ദ്രത്തിലെ ഫാ. മാത്യു വയലാമണ്ണിൽ നയിക്കുന്ന കണ്വൻഷൻ ഏഴിനാണ് ആരംഭിച്ചത്.
സമാപന ദിനത്തിലെ ദിവ്യബലിയിൽ രൂപതാധ്യക്ഷൻ മാർ ജോസ് പൊരുന്നേടം മുഖ്യകാർമികനാകും. തുടർന്ന് വചനപ്രഘോഷണവും ദിവ്യകാരുണ്യ ആരാധനയും നടക്കും. ധ്യാനഗുരു ഫാ. മാത്യു വയലാമണ്ണിൽ കണ്വൻഷനിൽ പങ്കെടുക്കുന്നവരുടെ ശിരസിൽ കൈവച്ച് പ്രാർഥിക്കും. കണ്വൻഷനിൽ ആയിരക്കണക്കിന് വിശ്വാസികളാണ് പങ്കെടുക്കുന്നത്.