ഗാന്ധിനഗർ: കേന്ദ്രസർക്കാരിന്റെ സ്വച്ഛത ആക്ഷൻ പദ്ധതി പ്രകാരം കോട്ടയം റബർ ബോർഡ് മെഡിക്കൽ കോളജിന് ശുചീകരണ ഉപകരണങ്ങൾ നൽകി. 10 ലക്ഷം രൂപ വിലവരുന്ന സ്ക്രബർ-ഡ്രയർ ഫ്ളോർ ക്ലീനിംഗ് മെഷീനും വാക്വംക്ലീനറുമാണ് വിതരണം ചെയ്തത്. മന്ത്രി വി.എൻ വാസവന്റെ അധ്യക്ഷതയിൽ മെഡിക്കൽ കോളജിൽ നടന്ന ചടങ്ങിൽ റബർ ബോർഡ് എക്സിക്യൂട്ടീവ് ഡയറക്ടർ എം. വസന്തഗേശൻ ശുചീകരണ ഉപകരണങ്ങൾ കൈമാറി.
യോഗത്തിൽ മെഡിക്കൽ കോളജിലെ ശുചീകരണ തൊഴിലാളികളെ ആദരിച്ചു. മെഡിക്കൽ കോളജ് പ്രിൻസിപ്പൽ ഡോ. വർഗീസ് പുന്നൂസ്, സൂപ്രണ്ട് ഡോ. ടി. കെ. ജയകുമാർ, റബർബോർഡ് സെക്രട്ടറി ഇൻചാർജ് ഡോ. ബിനോയ് കെ. കുര്യൻ എന്നിവർ പ്രസംഗിച്ചു.
Tags : local nattuvishesham equipment