കല്പ്പറ്റ: ത്രിതല പഞ്ചായത്ത് പ്രസിഡന്റ്, വൈസ് പ്രസിഡന്റ് തെരഞ്ഞെടുപ്പ് ഇന്ന് നടക്കാനിരിക്കേ വയനാട്ടിലെ നാല് ബ്ലോക്ക് പഞ്ചായത്തുകളിലും യുഡിഎഫ് സ്ഥാനാര്ഥികളെ തീരുമാനിച്ചു. മാനന്തവാടിയില്(പട്ടികവര്ഗ വനിത സംവരണം)കോണ്ഗ്രസിലെ മീനാക്ഷി രാമനും(തലപ്പുഴ ഡിവിഷന്) കല്പ്പറ്റയില് മുസ്ലിം ലീഗിലെ കെ.കെ. ഹനീഫയും(പൊഴുതന പനമരത്ത് കോണ്ഗ്രസിലെ ടി.എസ്. ദിലീപ്കുമാറും(പുല്പ്പള്ളി) ബത്തേരിയില്(വനിത സംവരണം)കോണ്ഗ്രസിലെ പ്രസന്ന ശശീന്ദ്രനും(നൂല്പ്പുഴ) പ്രസിഡന്റ് സ്ഥാനത്തേക്ക് മത്സരിക്കും.
മാനന്തവാടിയില് മുസ്ലിം ലീഗിലെ മൊയ്തീന് ഹാജിയും(വെള്ളമുണ്ട),ബത്തേരിയില് മുസ്ലിം ലീഗിലെ ടി. അവറാനും(മുത്തങ്ങ), കല്പ്പറ്റയില് കോണ്ഗ്രസിലെ ജിന്സി സണ്ണിയും(തരിയോട്), പനമരത്ത് മുസ്ലിം ലീഗിലെ റഷീന സുബൈറും(പച്ചിലക്കാട്) യുഡിഎഫ് വൈസ് പ്രസിഡന്റ് സ്ഥാനാര്ഥികളാകും. നാല് ബ്ലോക്ക് പഞ്ചായത്ത് ഭരണസമിതികളിലും യുഡിഎഫിന് വ്യക്തമായ ഭൂരിപക്ഷമുണ്ട്. രാവിലെ 10.30നാണ് പ്രസിഡന്റ് തെരഞ്ഞെടുപ്പ്. വൈസ് പ്രസിഡന്റ് തെരഞ്ഞെടുപ്പ് ഉച്ചകഴിഞ്ഞ് 2.30നാണ്.
ജില്ലാ പഞ്ചായത്ത് മുന് അംഗമാണ് മീനക്ഷി രാമന്. ആദിവാസി കോണ്ഗ്രസ് സംസ്ഥാന സെക്രട്ടറിയും മഹിള കോണ്ഗ്രസ് ജില്ലാ വൈസ് പ്രസിഡന്റും കോണ്ഗ്രസ് മാനന്തവാടി ബ്ലോക്ക് വൈസ് പ്രസിഡന്റുമാണ്. കാലാവധി പൂര്ത്തിയായ പുല്പ്പള്ളി പഞ്ചായത്തിന്റെ പ്രസിഡന്റും ബ്ലോക്ക് പഞ്ചായത്ത് മുന് പ്രസിഡന്റുമാണ് ടി.എസ്. ദിലീപ്കുമാര്. മുസ്ലിംലീഗ് കല്പ്പറ്റ മണ്ഡലം സെക്രട്ടറിയാണ് കെ.കെ. ഹനീഫ. കല്പ്പറ്റ ബ്ലോക്ക് പഞ്ചായത്ത് മുന് വൈസ് പ്രസിഡന്റാണ്.
ജില്ലാ പഞ്ചായത്ത് പ്രസിഡന്റ് സ്ഥാനത്തേക്ക് കോണ്ഗ്രസിലെ ചന്ദ്രിക കൃഷ്ണനും(വൈത്തിരി ഡിവിഷന്), വൈസ് പ്രസിഡന്റ് പദവിയിലേക്ക് മുസ്ലിം ലീഗിലെ ടി. ഹംസയും(മേപ്പാടി) മത്സരിക്കും. ജില്ലാ പഞ്ചായത്ത് ഭരണസമിതിയിലും യുഡിഎഫിനു വലിയ ഭൂരിപക്ഷമുണ്ട്. രണ്ട് അംഗങ്ങള് മാത്രമാണ് എല്ഡിഎഫിന്. 17 അംഗങ്ങളാണ് ആകെ.
Tags : Local News Nattuvishesham Wayanad