കുമരകം: ആഗോള അയ്യപ്പസംഗമത്തിലെ സാന്പത്തിക ക്രമക്കേടിലും സ്വര്ണക്കൊള്ളയിലും ആരോപണ വിധേയനായ മന്ത്രി വി.എന്. വാസവനും കൂട്ടാളികളും രാജിവയ്ക്കണമെന്നാവശ്യപ്പെട്ട് ഡിസിസി പ്രസിഡന്റ് നാട്ടകം സുരേഷിന്റെ നേതൃത്വത്തില് ഇന്ന് അഞ്ചിന് കുമരകം ചന്തക്കവലയില് സായാഹ്ന ധര്ണ നടത്തും. മന്ത്രി വി.എൻ. വാസവന് കോണത്താറ്റ് പാലം രണ്ടാമതും ഉദ്ഘാടനം ചെയ്യാന് എത്തുമ്പോള് അതില്നിന്നു കോണ്ഗ്രസ് വിട്ടുനില്ക്കുമെന്നും നേതാക്കള് അറിയിച്ചു.
രാഷ്ട്രപതിയുടെ കുമരകം സന്ദര്ശനവേളയില് അടിയന്തരമായി പാലംപണി പൂര്ത്തീകരിച്ച് മന്ത്രി ഉദ്ഘാടനം നിര്വഹിച്ച് ജനങ്ങള്ക്കായി തുറന്നുനല്കി. തെരഞ്ഞെടുപ്പ് മുന്നില്കണ്ട് ജനങ്ങളുടെ കണ്ണില് പൊടിയിടാന് വീണ്ടും ഉദ്ഘാടന മാമാങ്കവുമായി എത്തുന്നത് അപഹാസ്യമാണെന്നും പാലംപണിയുടെ കൃത്യമായ കണക്കുകള് പോലും വ്യക്തമല്ലെന്നും കോണ്ഗ്രസ് ആരോപിച്ചു. അഴിമതിക്കെതിരേയാണ് ധര്ണാസമരം നടത്തുന്നതെന്ന് മണ്ഡലം പ്രസിഡന്റ് സി.ജെ. സാബു അറിയിച്ചു.
Tags : Local News Nattuvishesham Kottayam