കാസര്ഗോഡ്: ജില്ലയിലെ മൂന്നു നഗരസഭകളിലെയും സ്ഥിരംസമിതി അധ്യക്ഷരെ തെരഞ്ഞെടുത്തു. കാസര്ഗോഡ് നഗരസഭയിലെ മുഴുവന് സ്ഥിരംസമിതികളിലെയും അധ്യക്ഷസ്ഥാനം യുഡിഎഫിനാണ്. മുസ്ലിംലീഗിലെ സമീന മുജീബ് (വികസനം), ജാഫര് കമാല് (പൊതുമരാമത്ത്), ഹമീദ് ബെദിര (ക്ഷേമം), മെഹ്റുന്നീസ ഹമീദ് (ആരോഗ്യം), കോണ്ഗ്രസിലെ എന്.ആര്. വിദ്യാശ്രീ (വിദ്യാഭ്യാസം) എന്നിവരാണ് സ്ഥിരംസമിതി അധ്യക്ഷര്. കഴിഞ്ഞതവണ ബിജെപിക്ക് ഒരു അധ്യക്ഷസ്ഥാനമുണ്ടായിരുന്നു.
കാഞ്ഞങ്ങാട് നഗരസഭയില് യുഡിഎഫിന് ഇത്തവണ രണ്ട് അധ്യക്ഷസ്ഥാനം ലഭിച്ചു. മുസ്ലിംലീഗിന്റെ എം.പി. ജാഫര് വികസനകാര്യസ്ഥിരംസമിതിയുടെയും കോണ്ഗ്രസിന്റെ എം. സുമതി ക്ഷേമകാര്യ സ്ഥിരംസമിതിയുടെയും അധ്യക്ഷരായി. സിപിഎമ്മിന്റെ ഫൗസിയ ഷെരീഫ് (പൊതുമരാമത്ത്), മഹമൂദ് മുറിയനാവി (ആരോഗ്യം), ആര്ജെഡിയുടെ എം.വിജയന് (വിദ്യാഭ്യാസം) എന്നിവരാണ് എല്ഡിഎഫിന്റെ സ്ഥിരംസമിതി അധ്യക്ഷര്. കഴിഞ്ഞതവണ മുഴുവന് അധ്യക്ഷസ്ഥാനവും എല്ഡിഎഫിനായിരുന്നു.
നീലേശ്വരം നഗരസഭയില് മുഴുവന് സ്ഥിരംസമിതി അധ്യക്ഷസ്ഥാനങ്ങളും എല്ഡിഎഫിനാണ്. സിപിഎമ്മിന്റെ ഇ.കെ. ചന്ദ്രന് (വികസനം), ഇ. ചന്ദ്രമതി (പൊതുമരാമത്ത്), എ.വി. സുരേന്ദ്രന് (ആരോഗ്യം), കെ. സതീശന് (വിദ്യാഭ്യാസം), ഐഎന്എലിന്റെ ഷമീന മുഹമ്മദ് (ക്ഷേമം) എന്നിവരാണ് സ്ഥിരംസമിതി അധ്യക്ഷര്.
ബ്ലോക്ക് പഞ്ചായത്ത്
കാസര്ഗോഡ്: ജില്ലയില് അഞ്ചു ബ്ലോക്ക് പഞ്ചായത്തുകളിലേക്കുള്ള സ്ഥിരംസമിതിഅധ്യക്ഷരെ തെരഞ്ഞെടുത്തു. നീലേശ്വരം ബ്ലോക്ക് പഞ്ചായത്തിലെ തെരഞ്ഞെടുപ്പ് 13നു നടക്കും.
പരപ്പയില് കോണ്ഗ്രസിന്
രണ്ട് അധ്യക്ഷസ്ഥാനം
പരപ്പ ബ്ലോക്ക് പഞ്ചായത്തില് കോണ്ഗ്രസിന് രണ്ടു സ്റ്റാന്ഡിംഗ് കമ്മിറ്റികളില് അധ്യക്ഷസ്ഥാനം. പരപ്പ ഡിവിഷന് മെംബര് കെ.പി. ചിത്രലേഖ വികസനകാര്യ സ്റ്റാന്ഡിംഗ് കമ്മിറ്റിയുടെയും മാലോം ഡിവിഷന് മെംബര് ജെസി ചാക്കോ ക്ഷേമകാര്യ സ്റ്റാന്ഡിംഗ് കമ്മിറ്റിയുടെയും അധ്യക്ഷയായി. ഇരു സ്റ്റാന്ഡിംഗ് കമ്മിറ്റികളുടെയും അധ്യക്ഷസ്ഥാനം സ്ത്രീസംവരണമായതാണ് കോണ്ഗ്രസിന് തുണയായത്. എല്ഡിഎഫിനുണ്ടായിരുന്ന എട്ട് അംഗങ്ങളില് അഞ്ചുപേര് പുരുഷന്മാരും മൂന്നുപേര് സ്ത്രീകളുമായിരുന്നു.
സിപിഎമ്മിന്റെ സി. ബിന്ദു പ്രസിഡന്റായപ്പോള് സിപിഐയുടെ ഏക മെംബറും വനിതയായതോടെ വൈസ് പ്രസിഡന്റ് സ്ഥാനത്തേയ്ക്ക് ടി.കെ. ദീപ വന്നു. ഭവ്യരാജിനെ സ്റ്റാന്ഡിംഗ് കമ്മിറ്റിയില് ഉള്പ്പെടുത്തിയതോടെ പിന്നീട് സ്റ്റാന്ഡിംഗ് കമ്മിറ്റി അധ്യക്ഷസ്ഥാനത്തേയ്ക്ക് മത്സരിക്കാന് എല്ഡിഎഫിന് വനിതകള് ഇല്ലാതെയായി.
കഴിഞ്ഞതവണതവണ കോണ്ഗ്രസിന് ഒരു അധ്യക്ഷസ്ഥാനം പോലും ലഭിച്ചിരുന്നില്ല. സിപിഎമ്മിന്റെ കിനാനൂര് ഡിവിഷന് മെംബര് പാറക്കോല് രാജനാണ് ആരോഗ്യ-വിദ്യാഭ്യാസ സ്റ്റാന്ഡിംഗ് കമ്മിറ്റിയുടെ അധ്യക്ഷന്.ന്.
കാഞ്ഞങ്ങാട്ടും കോണ്ഗ്രസിന്
അധ്യക്ഷസ്ഥാനം
കാഞ്ഞങ്ങാട് ബ്ലോക്കിലും കോണ്ഗ്രസിന് സ്റ്റാന്ഡിംഗ് കമ്മിറ്റി അധ്യക്ഷസ്ഥാനം ലഭിച്ചു. കോണ്ഗ്രസിന്റെ പാക്കം ഡിവിഷന് മെംബര് എം.പി. ജയശ്രീ ആരോഗ്യ-വിദ്യാഭ്യാസ സ്റ്റാന്ഡിംഗ് കമ്മിറ്റി അധ്യക്ഷയായി.
സിപിഎമ്മിന്റെ മഡിയന് ഡിവിഷന് മെംബര് പി.കെ. മഞ്ജിഷ വികസനകാര്യ സ്റ്റാന്ഡിംഗ് കമ്മിറ്റിയുടെയും ഐഎന്എലിന്റെ പനയാല് ഡിവിഷന് മെംബര് പി.എച്ച്. മുഹമ്മദ് ഹനീഫ ക്ഷേമകാര്യ സ്റ്റാന്ഡിംഗ് കമ്മിറ്റിയുടെയും അധ്യക്ഷരായി. കഴിഞ്ഞവട്ടം മുഴുവന് അധ്യക്ഷസ്ഥാനങ്ങളും സിപിഎമ്മിനായിരുന്നു.
കാറഡുക്ക തൂത്തുവാരി
സിപിഎം
കാറഡുക്ക ബ്ലോക്ക് പഞ്ചായത്തില് മുഴുവന് സ്റ്റാന്ഡിംഗ് കമ്മിറ്റി അധ്യക്ഷസ്ഥാനങ്ങളും സിപിഎമ്മിന്. കുറ്റിക്കോല് ഡിവിഷനിലെ ജി. രാജേഷ് ബാബു (വികസനം), പടുപ്പ് ഡിവിഷനിലെ ഷമീര് കുമ്പക്കോട് (ക്ഷേമം), മുളിയാര് ഡിവിഷനിലെ കെ. സുഗന്ധിനി (ആരോഗ്യം) എന്നിവര് സ്ഥിരംസമിതി അധ്യക്ഷരായി. കഴിഞ്ഞതവണ കോണ്ഗ്രസിന് ഇവിടെ ഒരു അധ്യക്ഷസ്ഥാനമുണ്ടായിരുന്നു.
കാസര്ഗോഡ് ലീഗ് തന്നെ
കാസര്ഗോഡ് ബ്ലോക്ക് പഞ്ചായത്തില് മുഴുവന് സ്റ്റാന്ഡിംഗ് കമ്മിറ്റി അധ്യക്ഷസ്ഥാനങ്ങളും മുസ്ലിംലീഗിന്. കുമ്പള റെയില്വേ സ്റ്റേഷന് ഡിവിഷനിലെ അഷ്റഫ് കാര്ള (വികസനം), കളനാട് ഡിവിഷനിലെ മറിയ മാഹിന് (ക്ഷേമം), ബദിയഡുക്ക ഡിവിഷനിലെ എം.എസ്. മൊയ്തു ഗോളിയടുക്ക (ആരോഗ്യ-വിദ്യാഭ്യാസം) എന്നിവര് അധ്യക്ഷരായി.
മഞ്ചേശ്വരം തിരിച്ചുപിടിച്ച്
യുഡിഎഫ്
മഞ്ചേശ്വരം ബ്ലോക്കിലെ ആധിപത്യം തിരിച്ചുപിടിച്ച് യുഡിഎഫ്. കുഞ്ചത്തൂര് ഡിവിഷന് അംഗം മുഹമ്മദ് ഹനീഫ വികസനകാര്യ സ്ഥിരംസമിതി അധ്യക്ഷനും നയാ ബസാര് ഡിവിഷനിലെ ജമീല ക്ഷേമകാര്യ സ്ഥിരംസമിതി അധ്യക്ഷയുമായി തെരഞ്ഞെടുക്കപ്പെട്ടു.
ഇരുവരും മുസ്ലിംലീഗ് മെംബര്മാരാണ്. കോണ്ഗ്രസിന്റെ മജീര്പള്ള ഡിവിഷന് മെംബര് കെ. മോഹന് റായി ആരോഗ്യ വിദ്യാഭ്യാസ സ്ഥിരം സമിതി ചെയര്മാനായി. കഴിഞ്ഞതവണ ബിജെപിക്കും എസ്ഡിപിഐക്കും ഓരോ അധ്യക്ഷസ്ഥാനങ്ങളുണ്ടായിരുന്നു.
ഗ്രാമപഞ്ചായത്ത്
ചിറ്റാരിക്കാൽ: ഈസ്റ്റ് എളേരി പഞ്ചായത്തിൽ വിവിധ സ്ഥിരം സമിതികളുടെ അധ്യക്ഷരെ തെരഞ്ഞെടുത്തു.
ക്ഷേമകാര്യ സ്ഥിരം സമിതി ചെയർമാനായി ഡൊമിനിക് കോയിത്തുരുത്തേൽ, ആരോഗ്യ-വിദ്യാഭ്യാസ സ്ഥിരം സമിതി ചെയർപേഴ്സണായി പി.സി. ലേഖ, വികസനകാര്യ സ്ഥിരം സമിതി ചെയർപേഴ്സണായി സോണിയ വേലായുധൻ എന്നിവരെയാണ് തെരഞ്ഞെടുത്തത്. മൂന്നു പേരും കോൺഗ്രസ് അംഗങ്ങളാണ്.
രാജപുരം: കള്ളാർ പഞ്ചായത്ത് സ്ഥിരംസമിതി അധ്യക്ഷരായി പി.ഗീത (വികസനം), പി.എൽ.റോയ് (ക്ഷേമം), പി.ശ്രീവിദ്യ (ആരോഗ്യ-വിദ്യാഭ്യാസം) എന്നിവരെ തെരഞ്ഞെടുത്തു. മൂവരും കോൺഗ്രസ് അംഗങ്ങളാണ്.