ബളാലിൽ സംഘടിപ്പിച്ച വി. നാരായണൻ നായർ അനുസ്മരണവും ജനപ്രതിനിധികൾക്കുള്ള സ്വീകരണവും ഡിസിസി വൈസ് പ്രസിഡന്റ് ബി.പി. പ്രദീപ്കുമാർ ഉദ്ഘാടനം ചെയ്തു പ്രസംഗി
വെള്ളരിക്കുണ്ട്: ബളാൽ മണ്ഡലം മൂന്നാം വാർഡ് കോൺഗ്രസ് കമ്മിറ്റിയുടെ നേതൃത്വത്തിൽ സംഘടിപ്പിച്ച വി. നാരായണൻ നായർ അനുസ്മരണവും തദ്ദേശ തെരഞ്ഞെടുപ്പിൽ വിജയിച്ച യുഡിഎഫ് ജനപ്രതിനിധികൾക്കുള്ള സ്വീകരണവും ഡിസിസി വൈസ് പ്രസിഡന്റ് ബി.പി. പ്രദീപ്കുമാർ ഉദ്ഘാടനം ചെയ്തു.
ദീർഘകാലം ബളാൽ പഞ്ചായത്ത് പ്രസിഡന്റും ജില്ലാ പഞ്ചായത്ത് വൈസ് പ്രസിഡന്റുമായിരുന്ന വി. നാരായണൻ നായരുടെ സേവനങ്ങളെ അനുസ്മരിച്ചു. കർഷക കോൺഗ്രസ് ജില്ലാ പ്രസിഡന്റ് രാജു കട്ടക്കയം മുഖ്യപ്രഭാഷണം നടത്തി. സി.വി. ശ്രീധരൻ അധ്യക്ഷത വഹിച്ചു.
യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജോമോൻ ജോസ്, മണ്ഡലം കോൺഗ്രസ് പ്രസിഡന്റ് എം.പി. ജോസഫ്, മഹിള കോൺഗ്രസ് ജില്ലാ സെക്രട്ടറിയും ജില്ലാ പഞ്ചായത്ത് അംഗവുമായ ബിൻസി ജെയിൻ, വി. നാരായണൻ നായരുടെ മകളും ബളാൽ പഞ്ചായത്ത് പ്രസിഡന്റുമായ എ. ലത, പഞ്ചായത്ത് സ്ഥിരം സമിതി ചെയർമാൻ ഷോബി ജോസഫ്, യൂത്ത് കോൺഗ്രസ് ജില്ലാ സെക്രട്ടറി മാർട്ടിൻ ജോർജ്, വി. മാധവൻ നായർ, പി. രാഘവൻ, പി.സി. രഘുനാഥ്, ജോസഫ് വർക്കി, കെ. സുരേന്ദ്രൻ, സിബിച്ചൻ പുളിങ്കാല, ജോസ് വർഗീസ്, മനോഹരൻ ഇടത്തോട്, പി. പത്മവാതി, വി. സുകുമാരൻ നായർ, ജോസുകുട്ടി അറക്കൽ, പി. അരവിന്ദൻ എന്നിവർ പ്രസംഗിച്ചു.
Tags : Narayan Nair nattuvishesham lcoal news