തൃക്കരിപ്പൂർ: ദേശീയ സബ് ജൂണിയർ ടെന്നിക്കൊയ്റ്റ് ചാമ്പ്യൻഷിപ്പ് ഇന്നുമുതൽ 26 വരെ തൃക്കരിപ്പൂർ ഗവ. വൊക്കേഷണൽ ഹയർ സെക്കൻഡറി സ്കൂൾ മൈതാനത്ത് നടക്കും. 20 സംസ്ഥാനങ്ങളിൽ നിന്നായി 300 ലേറെ കായികതാരങ്ങൾ പങ്കെടുക്കും.
വ്യക്തിഗതം, ടീം ചാമ്പ്യൻഷിപ്പ്, ഡബിൾസ്, മിക്സഡ് ഡബിൾസ് എന്നിങ്ങനെ നാല് വിഭാഗങ്ങളിലായാണ് മത്സരങ്ങൾ നടക്കുക.നാളെ വൈകുന്നേരം നാലിന് എം. രാജഗോപാലൻ എംഎൽഎ ചാമ്പ്യൻഷിപ്പ് ഉദ്ഘാടനം ചെയ്യും. മുൻ ദേശീയ ഫുട്ബോൾ താരം എം. മുഹമ്മദ് റാഫി മുഖ്യാതിഥിയാകും.
ടെന്നിക്കൊയ്റ്റ് അസോസിയേഷൻ ദേശീയ പ്രസിഡന്റ് രാജീവ് ശർമയും പങ്കെടുക്കും. 26 ന് രാവിലെ 11 ന് നടക്കുന്ന സമാപന സമ്മേളനം രാജ്മോഹൻ എംപി ഉദ്ഘാടനം ചെയ്യും.