എൻസിപി നേതാക്കൾ വൈൽഡ് ലൈഫ് വാർഡനുമായി കൂടികാഴ്ച നടത്തിയപ്പോൾ.
പുൽപള്ളി: കണ്ണാരംപുഴ, വണ്ടിക്കടവ് പ്രദേശത്തെ ഭൂമി കൈമാറ്റം ചെയ്യുന്നതിന് എൻഒസി വേണമെന്ന വനംവകുപ്പിന്റെ നിർദേശം പിൻവലിക്കുമെന്ന് എൻസിപി നേതാക്കൾ അറിയിച്ചു. എൻസിപി ജില്ലാ പ്രസിഡന്റ് ഷാജി ചെറിയാനും സംസ്ഥാന സെക്രട്ടറി സി.എം. ശിവരാമനും മന്ത്രിയുമായി സംസാരിക്കുകയും മന്ത്രി ചീഫ് വൈൽഡ് ലൈഫ് വാർഡനും കളക്ടർക്കും ഇക്കാര്യത്തിൽ നിർദേശം കൊടുക്കുകയും ബത്തേരി വൈൽഡ് ലൈഫ് വാർഡൻ പുറപ്പെടുവിച്ച ഓർഡർ ക്യാൻസൽ ചെയ്യുവാനും തീരുമാനിച്ചു.
മന്ത്രിയുടെ നിർദേശം അനുസരിച്ച് ബ്ലോക്ക് പ്രസിഡന്റ് എം.കെ. ബാലൻ, സെക്രട്ടറി പി.എ. സുജിത് എന്നിവർ ബത്തേരി വൈൽഡ് ലൈഫ് വാർഡിനുമായി കൂടിക്കാഴ്ച നടത്തുകയും ചെയ്തു. പുൽപ്പള്ളി സബ് രജിസ്ട്രേഷൻ ഓഫീസർക്ക് കൊടുത്ത ഓർഡർ റദ്ദ് ചെയ്യുമെന്ന് ഉറപ്പു നലഭിച്ചതായും നേതാക്കൾ പറഞ്ഞു.
Tags : Local News Nattuvishesham Wayanad