മൂവാറ്റുപുഴ കോടതി സമുച്ചയത്തില് പുതിയതായി ആരംഭിച്ച എന്ഡിപിഎസ് കോടതി ഹൈക്കോടതി സീനിയര് ജഡ്ജി വി. രാജ വിജയരാഘവന് ഉദ്ഘാടനം ചെയ്യുന്നു.
മൂവാറ്റുപുഴ: മൂവാറ്റുപുഴ കോടതി സമുച്ചയത്തില് പുതിയതായി ആരംഭിച്ച എന്ഡിപിഎസ് കോടതി ഹൈക്കോടതി സീനിയര് ജഡ്ജി വി. രാജ വിജയരാഘവന് ഉദ്ഘാടനം ചെയ്തു. ബാര് അസോസിയേഷന് പ്രസിഡന്റ് ജോസ് വര്ഗീസ് അധ്യക്ഷത വഹിച്ചു.
മയക്കുമരുന്നുമായി ബന്ധപ്പെട്ട കേസുകളാണ് കോടതിയില് വിചാരണ ചെയ്യുക. എറണാകുളം ജില്ലയിലെ രണ്ടാമത്തെ എന്ഡിപിഎസ് കോടതിയാണ് മൂവാറ്റുപുഴയില് ഉദ്ഘാടനം ചെയ്തത്. നിലവില് കോടതിയുള്ളത് പറവൂരാണ്. സമയബന്ധിതമായി വിചാരണ നടത്താന് കഴിയാതെ ജില്ലയില് കെട്ടിക്കിടക്കുന്ന കേസുകളിലെ നടപടികള് വേഗത്തില് പൂര്ത്തിയാക്കാന് പുതിയ കോടതി തുടങ്ങുന്നതോടെ സാധിക്കുമെന്ന് സീനിയര് ജഡ്ജി വി. രാജ വിജയരാഘവന് പറഞ്ഞു.
പ്രിന്സിപ്പല് ജില്ലാ ജഡ്ജി ഹണി എം. വര്ഗീസ്, അഡീഷണല് ജില്ലാ ജഡ്ജി കെ.എന്. ഹരികുമാര്, സെക്രട്ടറി എ.കെ. ശ്രീകാന്ത്, എം. ജയലാല്, ഏബ്രഹാം ജോസഫ്, സാബു ജോണ്, റിജാ ബാബു എന്നിവര് പ്രസംഗിച്ചു.