ജില്ലാ പോലീസിനു ലഭിച്ച പുതിയ വാഹനങ്ങളുടെ ഫ്ലാഗ് ഓഫ് ജില്ലാ പോലീസ് മേധാവി ആർ. ആനന്ദ് നിർവഹിച്ചപ്പോൾ.
പത്തനംതിട്ട: ആധുനികവത്കരണത്തിന്റെ ഭാഗമായി പോലീസ് സേനക്ക് സംസ്ഥാന സർക്കാർ അനുവദിച്ച 146 പുതിയ വാഹനങ്ങളിൽ നാലെണ്ണം പത്തനംതിട്ട ജില്ലാ പോലീസിനു ലഭിച്ചു.
രണ്ട് ഗൂർഖ വാഹനങ്ങൾ ഉൾപ്പെടെ നാലു വാഹനങ്ങളുടെയും ഫ്ലാഗ് ഓഫ് ജില്ലാ പോലീസ് മേധാവി ആർ. ആനന്ദ് ജില്ലാ പോലീസ് ഓഫീസ് വളപ്പിൽ നിർവഹിച്ചു.
ഹൈവേ പോലീസിനും കൺട്രോൾ റൂമിനും ഉൾപ്പെടെ പുതിയ വാഹനങ്ങൾ ലഭിക്കുന്നതോടെ പട്രോളിംഗ് കൂടുതൽ ശക്തമാകുമെന്നും ക്രമസമാധാന പ്രശ്നങ്ങളിലും റോഡപകടങ്ങളിലും ഉൾപ്പെടെ അവശ്യ സന്ദർഭങ്ങളിൽ പോലീസിന്റെ സഹായം വേഗത്തിൽ എത്തിക്കാനാകുമെന്നും ജില്ലാ പോലീസ് മേധാവി പറഞ്ഞു.