എംവിഐപി കനാലിന്റെ വിവിധ ഭാഗങ്ങളില് വെള്ളമെത്തുന്നില്ലെന്ന പരാതിയെ തുടര്ന്ന് മാത്യു കുഴൽനാടൻ എംഎല്എയുടെ നേതൃത്വത്തില് ജനപ്രതിനിധികളും ഉദ്യോഗസ്ഥരും പ്രദേശങ്ങ
മൂവാറ്റുപുഴ: എംവിഐപി കനാലിന്റെ വിവിധ ഭാഗങ്ങളില് വെള്ളമെത്തുന്നില്ല എന്ന പരാതിയെ തുടര്ന്ന് മാത്യു കുഴൽനാടൻ എംഎല്എയുടെ നേതൃത്വത്തില് പ്രദേശങ്ങളിൽ സന്ദര്ശനം നടത്തി. ഏനാനല്ലൂര് ഭാഗം വരെ മാത്രമാണ് വെള്ളം എത്തുന്നതെന്നും അവിടെനിന്ന് ആവോലി, ആനിക്കാട്, രണ്ടാര്കര പ്രദേശങ്ങളിലേക്ക് വെള്ളം എത്തുന്നില്ലെന്നുമുള്ള പരാതിയിലായിരുന്നു സന്ദര്ശനം.
കൃഷിക്ക് വെള്ളം ലഭിക്കാതെ വന്നതോടെ കര്ഷകര് ദുരിതത്തിലാകുകയും, ഇവർ നിരന്തരം എംവിഐപി ഓഫീസില് വിളിച്ച് പരാതിപ്പെടുകയും ചെയ്തിരുന്നു. ഇതേതുടര്ന്നാണ് എംഎല്എ, മറ്റു ജനപ്രതിനിധികള്, എംവിഐപി എഇ, എക്സിക്യൂട്ടീവ് എൻജിനീയർ എന്നിവര് ഉള്പ്പെട്ട സംഘം സ്ഥലം സന്ദര്ശിച്ചത്. രണ്ടു ദിവസത്തിനുള്ളില് ആനിക്കാട് ഭാഗത്തേക്ക് വെള്ളമെത്തിക്കുമെന്ന് മാത്യു കുഴല്നാടന് എംഎല്എ അറിയിച്ചു.
ആവോലി പഞ്ചായത്ത് പ്രസിഡന്റ് ജോജി ജോസഫ്, വൈസ് പ്രസിഡന്റ് ഫെമിന അഷ്റഫ്, പഞ്ചായത്തംഗങ്ങളായ ഷിബു ജോസഫ്, ഷിന്സ് പുളിക്കായത്ത്കടവ്, കെ.വി. ഷാനവാസ്, സൗമ്യ എന്നിവരങ്ങുന്ന സംഘമാണ് സന്ദര്ശനം നടത്തിയത്.
Tags : Local News Nattuvishesham Ernakulam