ചെ​ങ്ങ​ന്നൂ​ർ: ഇ​ന്ദി​രാ​ഗാ​ന്ധി​യു​ടെ അ​ന്ത്യ​നി​മി​ഷ​ങ്ങ​ൾ​ക്ക് സാ​ക്ഷ്യം വ​ഹി​ച്ച ന​ഴ്‌​സ് ദു​രി​ത​ക്ക​യ​ത്തി​ൽ. നാ​ലു പ​തി​റ്റാ​ണ്ട് മു​ൻ​പ് ഡ​ൽ​ഹി​യി​ലെ ഓ​ൾ ഇ​ന്ത്യ ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സി​ന്‍റെ ഓ​പ്പ​റേ​ഷ​ൻ തി​യ​റ്റ​റി​ൽ പ്ര​ധാ​ന​മ​ന്ത്രി ഇ​ന്ദി​രാ ഗാ​ന്ധി​യു​ടെ ജീ​വ​ൻ നി​ല​നി​ർ​ത്താ​നുള്ള 22 അം​ഗ മെ​ഡി​ക്ക​ൽ സം​ഘ​ത്തി​ലെ ന​ഴ്‌​സിം​ഗ് ഇ​ൻ ചാ​ർ​ജാ​യി​രു​ന്നു ലീ​ലാ​മ്മ യാണ് ദുരിതം പേറുന്നത്.

31 വെ​ടി​യു​ണ്ട​ക​ൾ തു​ള​ച്ചു​ക​യ​റി​യ ആ ​ധീ​ര വ​നി​ത​യു​ടെ നെ​ഞ്ചി​ൽനി​ന്നും വ​യ​റ്റി​ൽനി​ന്നും ഓ​രോ വെ​ടി​യു​ണ്ട പു​റ​ത്തെ​ടു​ക്കു​മ്പോ​ഴും പ്രാ​ർ​ഥ​ന​ക​ൾ ഉ​യ​ർ​ന്നു. എ​ന്നാ​ൽ, വി​ധി മ​റി​ച്ചാ​യി​രു​ന്നു. ഇ​ന്ന് ആ ​രാ​ജ്യ​സേ​വ​ന​ത്തി​ന്‍റെ ഓ​ർ​മ​ക​ളു​മാ​യി ചെ​ങ്ങ​ന്നൂ​രി​ൽ ക​ഴി​യു​ന്ന ലീ​ലാ​മ്മ​യു​ടെ ജീ​വി​തം, മ​ക​ന്‍റെ ദു​രി​ത​വും സ്വ​ന്തം അ​ർ​ബു​ദ​രോ​ഗ​വും കാ​ര​ണം ക​ണ്ണീ​ർ​ക്ക​ട​ലി​ലാ​ണ്.

ഞെ​ട്ടി​ക്കു​ന്ന നി​മി​ഷ​ങ്ങ​ൾ

1984 ഒ​ക്ടോ​ബ​ർ 31. ലീ​ലാ​മ്മ ഡ​ൽ​ഹി എ​യിം​സി​ൽ ജോ​ലി​ക്ക് ക​യ​റി​യി​ട്ട് ആ​റു​മാ​സം മാ​ത്രം. പ്ര​ധാ​ന​മ​ന്ത്രി​ക്ക് വെ​ടി​യേ​റ്റെ​ന്ന വാ​ർ​ത്ത കേ​ട്ട് ആ​ശു​പ​ത്രി ന​ടു​ങ്ങി. വെ​ടി​യേ​റ്റ ശേ​ഷം കേ​വ​ലം 20 മി​നി​റ്റി​ന​കം ഇ​ന്ദി​രാ​ജി​യെ ഇ​വി​ടെ​യെ​ത്തി​ച്ചു. ശ​രീ​ര​ത്തി​ൽ ജീ​വ​ന്‍റെ നേ​രി​യ തു​ടി​പ്പ് മാ​ത്ര​മേ ഉ​ണ്ടാ​യി​രു​ന്നു​ള്ളൂ. ലീ​ലാ​മ്മ ആ ​നി​മി​ഷ​ങ്ങ​ൾ ഇ​ന്ന​ലെ ന​ട​ന്ന​തുപോ​ലെ ഓ​ർ​ക്കു​ന്നു. വി​ദ​ഗ്ധ ഡോ​ക്ട​ർ​മാ​ര​ട​ക്കം 22 പേ​രു​ള്ള മെ​ഡി​ക്ക​ൽ സം​ഘ​ത്തി​ന്‍റെ എ​ല്ലാ ശ്ര​മ​ങ്ങ​ളും വി​ഫ​ല​മാ​യി.

ശ​സ്ത്ര​ക്രി​യാ മേ​ശ​യി​ൽ കി​ട​ന്നു​കൊ​ണ്ട് ഇ​ന്ദി​ര മ​ര​ണം വ​രി​ച്ചു. അ​വ​രു​ടെ തീ​വ്ര​മാ​യ പ​രി​ശ്ര​മം പ​രാ​ജ​യ​പ്പെ​ട്ടെ​ങ്കി​ലും രാ​ജ്യ​ത്തി​ന്‍റെ ച​രി​ത്ര​ത്തി​ലെ ആ ​നി​ർ​ണാ​യ​ക മു​ഹൂ​ർ​ത്ത​ത്തി​ൽ അ​വ​ർ വ​ഹി​ച്ച പ​ങ്ക് വ​ള​രെ വ​ലു​താ​ണ്.

മ​ക​നി​ലൂ​ടെ തു​ട​രു​ന്ന ദു​രി​തപ​ർ​വം

ഇ​ന്ദി​രാ ഗാ​ന്ധി​യു​ടെ വി​യോ​ഗ​ത്തി​നുശേ​ഷം നാ​ലുവ​ർ​ഷം കൂ​ടി ലീ​ലാ​മ്മ ഡ​ൽ​ഹി​യി​ൽ തു​ട​ർ​ന്നെ​ങ്കി​ലും 1988ൽ ​അ​വ​രു​ടെ ജീ​വി​ത​ത്തി​ലേ​ക്ക് വ​ലി​യ ദു​ര​ന്തം ക​ട​ന്നുവ​ന്നു. പ്ര​സ​വസ​മ​യ​ത്ത് ഓ​ക്‌​സി​ജ​ൻ ല​ഭി​ക്കാ​തെ വ​ന്ന​തി​നെ ത്തുട​ർ​ന്ന് ജ​ന​തി​ക ത​ക​രാ​റു​ക​ൾ സം​ഭ​വി​ച്ച മ​ക​നാ​ണ് അ​വ​ർ​ക്കു പി​റ​ന്ന​ത്.

ആ​ശു​പ​ത്രി​യി​ൽ പ​ല​രു​ടെ​യും ജീ​വ​ൻ ര​ക്ഷി​ക്കാ​ൻ ഞാ​ൻ ഡോ​ക്ട​ർ​മാ​രോ​ട​പ്പം ചേ​ർ​ന്ന് പ്ര​വ​ർ​ത്തി​ച്ചു. എ​ന്നാ​ൽ, സ്വ​ന്തം മ​ക​ന്‍റെ ദു​രി​ത​ത്തി​നു മു​ന്നി​ൽ എ​നി​ക്ക് നി​സ​ഹാ​യ​യാ​യി നി​ൽ​ക്കേ​ണ്ടിവ​ന്നു: ലീ​ലാ​മ്മ​ പറയുന്നു. 37 വ​യ​സു​ള്ള മ​ക​ൻ ഇ​പ്പോ​ഴും കി​ട​പ്പു​രോ​ഗി​യാ​ണ്. മ​ക​ന്‍റെ തു​ട​ർ​ചി​കി​ത്സ​ക​ൾ​ക്കാ​യി ഭ​ർ​ത്താ​വ് രാ​ജ​ൻ കൈ​പ്പ​ള്ളി​ലി​നൊ​പ്പം ലീ​ലാ​മ്മ​യ്ക്ക് 1988ൽ ​നാ​ട്ടി​ലേ​ക്ക് മ​ട​ങ്ങേ​ണ്ടിവ​ന്നു.

കാ​ൻ​സ​റിന്‍റെ പി​ടി​യി​ൽ

മ​കന്‍റെ ചി​കി​ത്സാ​ച്ചെ​ല​വു​ക​ൾ താ​ങ്ങാ​നാ​വാ​തെ വി​ഷ​മി​ക്കു​ന്ന​തി​നി​ട​യി​ലാ​ണ് ലീ​ലാ​മ്മ​യെ അ​ർ​ബു​ദരോ​ഗ​വും പി​ടി​കൂ​ടി​യ​ത്. നി​ല​വി​ൽ അ​തി​ന്‍റെ ചി​കി​ത്സ​യും ന​ട​ന്നുവ​രു​ന്നു. ഒ​രു ഭാഗത്ത് കി​ട​പ്പുരോ​ഗി​യാ​യ മ​ക​ൻ, മ​റു​ഭാ​ഗ​ത്ത് സ്വ​ന്തം രോ​ഗം. വ​ലി​യൊ​രു സാ​മ്പ​ത്തി​ക ബാ​ധ്യ​ത​യു​ടെ ന​ടു​വി​ലാ​ണ് ഈ ​കു​ടും​ബം.
ഭ​ർ​ത്താ​വ് രാ​ജ​ൻ കൈ​പ്പ​ള്ളി​ൽ ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ക​രു​ത​ലി​നാ​യു​ള്ള സം​ഘ​ട​ന​യു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ച്ച് കി​ട്ടു​ന്ന ചെ​റി​യ വ​രു​മാ​നം മാ​ത്ര​മാ​ണ് ഇ​വ​രു​ടെ ആ​ശ്ര​യം. മ​രു​ന്നി​നും ചി​കി​ത്സാ ഉ​പ​ക​ര​ണ​ങ്ങ​ൾ​ക്കു​മു​ള്ള വ​ലി​യ ചെ​ല​വു​ക​ൾ​ക്കു മു​ന്നി​ൽ ആ ​കു​ടും​ബം പ​ക​ച്ചുനി​ൽക്കു​ക​യാ​ണ്. ഇ​ന്ദി​രാ​ഗാ​ന്ധി​യു​ടെ അ​ന്ത്യ​നി​മി​ഷ​ങ്ങ​ൾ​ക്ക് സാ​ക്ഷ്യം വ​ഹി​ച്ച രാ​ജ്യ​സേ​വ​ന​ത്തി​ന്‍റെ ഓ​ർ​മ​ക​ളു​മാ​യി ക​ഴി​യു​ന്ന ഈ ​വീട്ടമ്മയ്ക്ക് ഒ​രു കൈ​ത്താ​ങ്ങ് ആ​വ​ശ്യ​മാ​ണ്. ഫോ​ൺ: 9846726866.

Tags : Indira nattuvisheasham local