കേച്ചേരി: കേച്ചേരി-അക്കിക്കാവ് റോഡിൽ ചിറനെല്ലൂർ വില്ലേജ് ഓഫീസിനു സമീപം കൂമ്പുഴപ്പാലം വളവിൽ വച്ചുണ്ടായ വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന പഴുനാന സ്വദേശി മരിച്ചു. പഴുനാന വടക്കത്ത് വീട്ടിൽ ശങ്കുരുവിന്റെ മകൻ ജയേന്ദ്രൻ(66) ആണ് മരിച്ചത്. സംസ്കാരം നടത്തി.
പിക്കപ്പ് വാനും സ്കൂട്ടറും കൂട്ടിയിടിച്ചുണ്ടായ അപകടത്തിൽ പരിക്കേറ്റ ഇദ്ദേഹത്തെ കേച്ചേരി ആക്ടസ് പ്രവർത്തകർ തൃശൂരിലെ സ്വകാര്യആശുപത്രിയിൽ പ്രവേശിപ്പിച്ചിരുന്നെങ്കിലും ജീവൻ രക്ഷിക്കാനായില്ല. ഭാര്യ: രമണി. മക്കൾ: മിഥുൻ, മഞ്ജു. മരുമകൻ: സുജിത്.
ഒരാഴ്ചയ്ക്കിടെ നാല് അപകടങ്ങൾ നടന്ന ചിറനെല്ലൂർ കൂമ്പുഴപ്പാലം വളവ് നിലവിൽ വലിയ അപകടക്കെണിയായി മാറിയിരിക്കുകയാണ്. അധികൃതരുടെ ഭാഗത്തുനിന്നു മതിയായ സുരക്ഷാക്രമീകരണങ്ങളോ സിഗ്നൽ സംവിധാനങ്ങളോ ഏർപ്പെടുത്താത്തതിൽ നാട്ടുകാർക്കിടയിൽ പ്രതിഷേധം ശക്തമാണ്.