കൊട്ടിയം: വിപണിയിൽ 5 ലക്ഷം രൂപയോളം വില വരുന്ന നിരോധിത പുകയില ഉത്പന്നങ്ങൾ വില്പനയ്ക്ക് എത്തിച്ച കേസിൽ ഒളിവിലായിരുന്ന രണ്ടാം പ്രതി അറസ്റ്റിലായി. ഇരവിപുരം, വഞ്ചിക്കോവിൽ, ശ്രീനഗർ 73, മേലച്ചുവിള തൊണ്ടിലിൽ വീട്ടിൽ ദീപു (38)വിനെയാണ് കൊല്ലം എ സി പി ഷെരീഫി െ ന്റ നേതൃത്വത്തിലുള്ള സബ് ഡിവിഷൻ ഡാൻസാഫ് ടീമും ഇരവിപുരം പോലീസും ചേർന്ന് പിടികൂടിയത്.
കഴിഞ്ഞ20ന് കൊല്ലം സിറ്റി ഡാൻസാഫ് ടീമും ഇരവിപുരം പോലീസും ചേർന്ന് നടത്തിയ പരിശോധനയിലാണ് ഒന്നാം പ്രതിയായ ആദർശി െന്റ വഞ്ചിക്കോവിലിലുള്ള വീട്ടിലും രണ്ട് കാറുകളിലും നിന്നായി വിപണിയിൽ 5 ലക്ഷം രൂപയോളം വില വരുന്ന 66 ചാക്ക് നിരോധിത പുകയില ഉൽപ്പന്നങ്ങൾ പിടികൂടിയത്. സംഭവത്തിനുശേഷം ദീപു ഒളിവിലായിരുന്നു. ഇയാൾ മുമ്പും വൻതോതിൽ പുകയില ഉല്പന്നങ്ങളുമായി ബന്ധപ്പെട്ട് അറസ്റ്റിലായ ആളാണ്.
ഇയാൾ വീണ്ടും കച്ചവടം തുടങ്ങിയതായി യോദ്ധാവ് ആപ്ലിക്കേഷനിലൂടെ സിറ്റി പോലീസ് കമ്മീഷണർ കിരൺ നാരായണന് ലഭിച്ച രഹസ്യ വിവരത്തി െ ന്റ അടിസ്ഥാനത്തിലാണ് അറസ്റ്റ് നടന്നത്. ഇരവിപുരം ഇൻസ്പെക്ടർ രാജീവിെ ന്റ നേതൃത്വത്തിലുള്ള ഇരവിപുരം പോലീസും എസ്.ഐ രഞ്ജുവി െ ന്റ നേതൃത്വത്തിലുള്ള ഡാൻസാഫ് സംഘവും ചേർന്നാണ് പ്രതിയെ പിടികൂടിയത്.
Tags : Local News Nattuvishesham Kollam