പരപ്പ ബ്ലോക്ക് പഞ്ചായത്ത് വികസന സെമിനാര് ബ്ലോക്ക് പ്രസിഡന്റ് ബിന്ദു കൃഷ്ണന് ഉദ്ഘാടനം ചെയ്തു പ്രസംഗിക്കുന്നു.
പരപ്പ: പരപ്പ ബ്ലോക്ക് പഞ്ചായത്ത് വികസന സെമിനാര് നടത്തി. സമൃദ്ധി-തരിശ് രഹിത ബ്ലോക്ക് പദ്ധതി, പാലാഴി തുടര് പ്രവര്ത്തനം, മുഴുവന് വിദ്യാലയങ്ങളിലും മുരിങ്ങ കൃഷി, സമ്മിശ്ര കൃഷിക്ക് പിന്തുണ, ഗ്രൂപ്പുകള്ക്ക് മിന ഡയറി ഫാം സഹായം, പുനര്ജനി-കാവുകളുടെ പുണരുജ്ജീവനം, മില്ക്ക് എടിഎം, മൊബൈല് വെറ്ററിനറി യൂണിറ്റ്, തീറ്റപ്പുല് കൃഷി മില്ക്ക് സബ്സിഡി, കാലിത്തീറ്റ തുടങ്ങിയവയും ആരോഗ്യ മേഖലയില് പള്സ് ജനകീയ ആരോഗ്യ പരിപാടി, ഡയാലിസിസ് സെന്റര് പ്രവര്ത്തനം, കിഡ്നി മാറ്റി വച്ചവര്ക്കുള്ള മരുന്ന് നല്കല്, ആശുപത്രികളില് മരുന്ന് വാങ്ങല്, അടിസ്ഥാന സൗകര്യങ്ങള് തുടങ്ങിയവയ്ക്കുള്ള പദ്ധതികള് എന്നിവയ്ക്കു മുന്തൂക്കം നല്കുന്ന പദ്ധതികള് അംഗീകരിച്ചു.
ബ്ലോക്ക് പഞ്ചായത്ത് പ്രസിഡന്റ് ബിന്ദു കൃഷ്ണന് ഉദ്ഘാടനം ചെയ്തു. വൈസ് പ്രസിഡന്റ് ടി.കെ. ദീപ അധ്യക്ഷത വഹിച്ചു. പഞ്ചായത്ത് പ്രസിഡന്റുമാരായ എ. ലത, എം. രാജന്, ടി.വി. ജയചന്ദ്രന്, കെ. രജിത, പി. രഘുനാഥ്, ബ്ലോക്ക് സ്ഥിരംസമിതി അധ്യക്ഷരായ, കെ.പി. ചിത്രലേഖ, പാറക്കോല് രാജന്, ജെസി ചാക്കോ, ആസൂത്രണസമിതി ഉപാധ്യക്ഷന് എ. കൃഷ്ണരാജ് എന്നിവര് സംസാരിച്ചു. ബ്ലോക്ക് പഞ്ചായത്ത് സെക്രട്ടറി കെ. സുനില്കുമാര് സ്വാഗതവും ജോയിന്റ് ബിഡിഒ കെ.ജി. ബിജുകുമാര് നന്ദിയും പറഞ്ഞു.