ജില്ലാ മിനി നെറ്റ്ബോൾ ചാന്പ്യൻഷിപ്പിൽ ആണ്, പെണ് വിഭാഗങ്ങളിൽ കിരീടം ചൂടിയ പരിയാപുരം ഫാത്തിമ യുപി, സെന്റ് മേരീസ് ഹയർ സെക്കൻഡറി സ്കൂളുകളിലെ കായിക താരങ്ങ
അങ്ങാടിപ്പുറം: ചുങ്കത്തറ മാർത്തോമ കോളജ് മൈതാനത്ത് നടന്ന ജില്ലാ മിനി നെറ്റ്ബോൾ ചാന്പ്യൻഷിപ്പിൽ പരിയാപുരത്തിന് ഇരട്ടക്കിരീടം. ജില്ലാ സ്പോർട്സ് കൗണ്സിലും ജില്ലാ നെറ്റ്ബോൾ അസോസിയേഷനും സംയുക്തമായി സംഘടിപ്പിച്ച മത്സരത്തിൽ ആണ്കുട്ടികളുടെ വിഭാഗത്തിലും (സ്കോർ: 8 - 3) പെണ്കുട്ടികളുടെ വിഭാഗത്തിലും (സ്കോർ: 7 - 4) ചുങ്കത്തറ മാർത്തോമ ഹയർ സെക്കൻഡറി സ്കൂളിനെ ഫൈനലിൽ തോൽപ്പിച്ചാണ് ഫാത്തിമ യുപി സ്കൂളിലെയും സെന്റ് മേരീസ് ഹയർ സെക്കൻഡറി സ്കൂളിലെയും താരങ്ങൾ അണിനിരന്ന പരിയാപുരം ടീം കിരീടം ചൂടിയത്.
വിജയിച്ച മുഴുവൻ ടീമംഗങ്ങളും പരിയാപുരം മരിയൻ സ്പോർട്സ് അക്കാഡമിയിലെ താരങ്ങളാണ്. ആരോണ് അജീഷ് (ക്യാപ്റ്റൻ), സുമിത്ത് ശങ്കർ, സാവിയോ ജോഷി, കെ. മുഹമ്മദ് റയ്യാൻ, ആൽബർട്ട് ജെറിൻ, കെ. മുഹമ്മദ് ഫസൽ, ജോണ് മരിയ വിയാനി, കെവിൻ ജോബ് അലക്സ്, സാവിയോ റെന്നിച്ചൻ എന്നിവർ ആണ്കുട്ടികളുടെ വിഭാഗത്തിലും എയ്ഞ്ചൽ സുനീഷ് (ക്യാപ്റ്റൻ), ലയോണ വിനോജ്, സി. വിസ്മയ, ശ്രീചിത്ര, കെ. കൃഷ്ണപ്രിയ, ആഗ്ന സിബി, നീസ എബി, ആയിഷ അൻഹ, ബ്ലസ് തെരേസ് ഇ. ജോളി എന്നിവർ പെണ്കുട്ടികളുടെ വിഭാഗത്തിലും പരിയാപുരത്തിനായി ജഴ്സിയണിഞ്ഞു.
മാർത്തോമ കോളജ് കായികവിഭാഗം മേധാവി പി.കെ. രാജേഷ് ഉദ്ഘാടനം ചെയ്തു. കെ.എസ്. സിബി, അഖിൽ ആന്റണി, പി. നിഖിൽ, ഒ.എ. മറിയാമ്മ എന്നിവർ പ്രസംഗിച്ചു.
Tags : Local News Nattuvishesham Malappuram