പെരിങ്ങോം സ്മാർട്ട് വില്ലേജ് ഓഫീസിന്റെ കെട്ടിടോദ്ഘാടനം ടി.ഐ. മധുസൂദനൻ എംഎൽഎ നിർവഹിക്കുന്നു.
ചെറുപുഴ: പെരിങ്ങോം സ്മാർട്ട് വില്ലേജ് ഓഫീസിനായി നിർമിച്ച പുതിയ കെട്ടിടം റവന്യൂ മന്ത്രി കെ. രാജൻ ഓൺലൈനിലൂടെ ഉദ്ഘാടനം ചെയ്തു. ടി.ഐ. മധുസൂദനൻ എംഎൽഎ അധ്യക്ഷത വഹിച്ച് ശിലാഫലകം അനാച്ഛാദനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് കെ.കെ. ജോയി, പെരിങ്ങോം-വയക്കര പഞ്ചായത്ത് പ്രസിഡന്റ് കെ. ലളിത, വൈസ് പ്രസിഡന്റ് കെ. കുഞ്ഞികൃഷ്ണൻ, സ്റ്റാന്റിംഗ് കമ്മിറ്റി ചെയർപേഴ്സൺ കെ. രജിത, ബ്ലോക്ക് പഞ്ചായത്തംഗങ്ങളായ കെ. കമലാക്ഷൻ, ഫാത്തിമാ ബീവി, പഞ്ചായത്തംഗം വി.വി. ബീന, തളിപ്പറമ്പ് ആർഡിഒ സി.സി. പ്രകാശൻ, അസിസ്റ്റന്റ് എൻജിനിയർ ആഷിഖ് കുമാർ, വിവിധ രാഷ്ട്രീയ പാർട്ടി പ്രതിനിധികളായ എൻ.വി. സുജിത്കുമാർ, എ.കെ. രാജൻ, സി. പദ്മനാഭൻ, ടി.കെ. പ്രകാശൻ, പി. മുസ്തഫ, അസിനാർ അരവഞ്ചാൽ, ഒ.പി. ലക്ഷ്മണൻ, എൻ.വി. കുഞ്ഞിരാമൻ, വി. രമേശൻ, പയ്യന്നൂർ തഹസിൽദാർ ടി. മനോഹരൻ എന്നിവർ പ്രസംഗിച്ചു.