കേരള പൗൾട്രി ഫാർമേഴ്സ് അസോസിയേഷൻ സംസ്ഥാന ഭാരവാഹികൾ മന്ത്രി ചിഞ്ചു റാണിക്ക് നിവേദനം നൽകുന്നു.
പെരിന്തൽമണ്ണ: കോഴി വളർത്തൽ കാർഷിക മേഖലയിൽ ഉൾപ്പെടുത്തണമെന്നാവശ്യപ്പെട്ട് കേരള പൗൾട്രി ഫാം അസോസിയേഷൻ മുഖ്യമന്ത്രിക്കും മന്ത്രിമാർക്കും നിവേദനം നൽകി. കോഴിഫാം ഷെഡുകൾക്ക് ഏർപ്പെടുത്തിയ വണ് ടൈം നികുതി എന്ന ആഢംബര നികുതി പോലെയുള്ള അശാസ്ത്രീയമായ നികുതികൾക്കെതിരേ റവന്യൂമന്ത്രി കെ. രാജനും നിവേദം നൽകി.
അശാസ്ത്രീയനിയമവും നികുതികളും കാരണം നൂറുക്കണക്കിന് കർഷകരാണ് കോഴി വളർത്തൽ മേഖലയിൽ നിന്ന് പിൻമാറുന്നതെന്ന് അസോസിയേഷൻ ഭാരവാഹികൾ ചൂണ്ടിക്കാട്ടി. ഫാം ലൈസൻസ് ചട്ടങ്ങളിൽ ഇളവ് വരുത്തുക, ഫാം കെട്ടിടങ്ങളെ എല്ലാവിധ നികുതികളിൽനിന്ന് ഒഴിവാക്കുക എന്നീ പ്രധാന ആവശ്യങ്ങളാണ് നിവേദനത്തിൽ ഉന്നയിച്ചത്.
കേരള പൗൾട്രി ഫാർമേഴ്സ് അസോസിയേഷൻ സംസ്ഥാന ജനറൽ സെക്രട്ടറി കാദറലി വറ്റലൂർ, സംസ്ഥാന ലീഗൽ അഡ്വൈസർ അഡ്വ. കെ.ടി. ഉമ്മർ, സംസ്ഥാന ചീഫ് കോ ഓർഡിനേറ്റർ സൈദ് മണലായ എന്നിവരാണ് നിവേദക സംഘത്തിലുണ്ടായിരുന്നത്.
Tags : Local News Nattuvishesham Malappuram