നെയ്യാർഡാം: നെയ്യാർ അണക്കെട്ടിൽ ചീങ്കണ്ണി സാന്നിധ്യം. അണക്കെട്ടിനു സമീപം താമസിക്കുന്ന പ്രദേശവാസികൾ ഭീതിയിൽ. ഇന്നലെ മായം പുട്ടുകല്ലിനു സമീപത്താണ് വെള്ളത്തിൽ നീന്തുന്ന ചീങ്കണ്ണിയെ കണ്ടത്.
കഴിഞ്ഞ രണ്ടുദിവസം മുന്പും സമീപവാസികൾ ചീങ്കണ്ണിയെ കണ്ടിരുന്നായി പറഞ്ഞിരുന്നു. എന്നാൽ ഇന്നലെ കൂടുതൽ വ്യക്തമായി കാണപ്പെട്ടു.
പുട്ടുകല്ല് ഭാഗത്തു നിരവധി താമസക്കാരുണ്ട്. അവരും ഭീതിയിലാണ്. കനത്ത മഴ പെയ്തതിനെ തുടർന്നു അണക്കെട്ടിൽ വെള്ളം വൻതോതിൽ നിറത്തിരുന്നു. ഡാമിന്റെ പരിസര പ്രദേശത്താകെ വെള്ളം നിറഞ്ഞ അവസ്ഥയാണ്. ഇതാണ് പ്രദേശവാസികളുടെ ആശങ്ക വർധിപ്പിക്കുന്നത്. നെയ്യാർ അണക്കെട്ടിൽ ചീങ്കണ്ണികൾ ഇല്ലെന്നാണ് വനം വകുപ്പ് പറഞ്ഞിരുന്നത്. എന്നാൽ കഴിഞ്ഞ കുറെ വർഷങ്ങളായി നാട്ടുകാർ ചീങ്കണ്ണിയെ കാണാറുണ്ട്.
Tags : local nattuvishesham Neyyar Dam