യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ പ്രധാനമന്ത്രിയുടെ കോലം കത്തിച്ച് പ്രതിഷേധിക്കുന്നു.
ആലപ്പുഴ: യൂത്ത് കോൺഗ്രസ് ദേശീയ പ്രസിഡന്റിനെ അകാരണമായി അറസ്റ്റ് ചെയ്തതിൽ പ്രതിഷേധിച്ച് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ പ്രകടനവും ശേഷം സീറോ ജംഗ്ഷനിൽ പ്രധാനമന്ത്രി നരേന്ദ്ര മോദിയുടെ കോലവും കത്തിച്ചു.
മോദിയുടെ കാലത്ത് ജനാധിപത്യത്തെ കശാപ് ചെയ്യുകയാണെന്നും പ്രതിഷേധം പോലും നടത്താൻ അനുവദിക്കാത്ത ഫാസിസ്റ്റ് രാഷ്ട്രമായി ഇന്ത്യയെ മാറ്റാൻ യൂത്ത് കോൺഗ്രസ് അനുവദിക്കില്ല എന്നും ജില്ലാ പ്രസിഡന്റ് എം.പി. പ്രവീൺ ഉദ്ഘാടനം ചെയ്തുകൊണ്ട് പറഞ്ഞു. ജില്ലാ സെക്രട്ടറി അഖിൽ കൃഷ്ണൻ ആധ്യക്ഷത വഹിച്ചു. സംസ്ഥാന ജനറൽ സെക്രട്ടറി ഷമീം ചീരാമത്, റഹീം വെറ്റക്കാരൻ, എ.ഡി. തോമസ്, ഷാഹുൽ ജെ. പുതിയാപറമ്പിൽ, എസ്. ഷഫീക്, അൻസിൽ ജലീൽ, മനീഷ് പുറക്കാട്, റിനു ബൂട്ടോ, ഷിജു താഹ, ഷാജി ജമാൽ, നായിഫ് നാസർ, മനു പൂനിയിൽ, അഖിൽ ജോസ് ജേക്കബ് എന്നിവർ പ്രസംഗിച്ചു.