അങ്കമാലി : എടക്കുന്ന് പാദുവാ സ്പോർട്സ് അക്കാദമി (പിഎസ്എ) സംഘടിപ്പിച്ച വെറ്റെറൻസ് വോളിബോൾ ടൂർണമെന്റിൽ മുൻ ഇന്ത്യൻ ക്യാപ്റ്റൻ യൂസഫ് നയിച്ച എറണാകുളം സിക്സേഴ്സ് ജേതാക്കളായി. മുൻ ഇന്ത്യൻ ക്യാപ്റ്റൻ കിഷോർ കുമാർ നയിച്ച വരാപ്പുഴ സിക്സേഴ്സിനെയാണ് ഫൈനലിൽ പരാജയപ്പെടുത്തിയത്.
എട്ട് ടീമുകൾ പങ്കെടുത്ത വെറ്ററൻസ് വോളിബോൾ ടൂർണമെന്റിൽ എറണാകുളം സിക്സേഴ്സിന്റെ സൗബിൻ ബെസ്റ്റ് പ്ലെയറായും വരാപ്പുഴ സിക്സേഴ്സിന്റെ കിഷോർ കുമാർ ബെസ്റ്റ് അറ്റാക്കറായും എറണാകുളം സിക്സേഴ്സിന്റെ കിഷോർ ബെസ്റ്റ് ലിബ്രോയായും തെരെഞ്ഞെടുക്കപ്പെട്ടു.
എടക്കുന്ന് സെന്റ് ആന്റണീസ് പള്ളി വികാരി ഫാ. പോൾ ചെറുപ്പിള്ളി, കറുകുറ്റി ഗ്രാമപഞ്ചായത്ത് പ്രിസിഡന്റ് ബാബു സാനി എന്നിവർ ചേർന്ന് ട്രോഫി സമ്മാനിച്ചു. വാർഡ് മെമ്പർ എൻ.വി. പോളി, ഫാ. ബോണി കട്ടയ്ക്കകത്തൂട്ട്, ഫാ. അഷ്ബിൻ മേലേടത്ത് എന്നിവർ പ്രസംഗിച്ചു.