കാസർഗോഡ്: ജില്ലയിലെ എയ്ഡഡ് സ്കൂളുകളിൽ അധ്യാപക നിയമനവുമായി ബന്ധപ്പെട്ട് ഭിന്നശേഷി സംവരണ വിഭാഗത്തിൽപ്പെട്ട 14 ഉദ്യോഗാര്ഥികൾക്ക് നിയമന ഉത്തരവ് കൈമാറി.
നായന്മാര്മൂല തന്ബിഹുല് ഇസ്ലാം ഹയര് സെക്കൻഡറി സ്കൂളില് നടന്ന ചടങ്ങില് ജില്ലാ പഞ്ചായത്ത് പ്രസിഡന്റ് സാബു ഏബ്രഹാമാണ് ഉദ്യോഗാര്ഥികള്ക്ക് നിയമന ഉത്തരവ് കൈമാറിയത്. വിദ്യാഭ്യാസ ഡെപ്യൂട്ടി ഡയറക്ടർ ഇന് ചാര്ജ് പി. സത്യഭാമ അധ്യക്ഷത വഹിച്ചു.
സംസ്ഥാനത്തെ എയ്ഡഡ് സ്കൂളുകളില് ഭിന്നശേഷി സംവരണം നടപ്പിലാക്കുന്നതിന്റെ ഭാഗമായി സുപ്രീംകോടതി നിര്ദേശപ്രകാരം സര്ക്കാര് പുറപ്പെടുവിച്ച വിവിധ ഉത്തരവുകളുടെ അടിസ്ഥാനത്തിലാണ് നിയമന നടപടികള് പൂര്ത്തിയാക്കിയത്.