തൃ​പ്പൂ​ണി​ത്തു​റ: വ്യാ​ജ ഓ​ൺ​ലൈ​ൻ ട്രേ​ഡിം​ഗ് ആ​പ്പി​ൽ​പെ​ട്ട് കോ​ടി​ക​ൾ ന​ഷ്ട​മാ​യ റി​ട്ട.​ബി​എ​സ്എ​ൻ​എ​ൽ ജീ​വ​ന​ക്കാ​ര​നെ റെ​യി​ൽ​വേ ട്രാ​ക്കി​ൽ മ​രി​ച്ച​നി​ല​യി​ൽ ക​ണ്ടെ​ത്തി. കോ​ട്ട​യം പാ​ലൂ​ർ​പ​ടി മേ​ക്കാ​ട്ട് മ​ന രാ​ജ​ൻ ന​മ്പൂ​തി​രി (65) ആ​ണ് മ​രി​ച്ച​ത്. ഇ​ന്ന​ലെ പു​ല​ർ​ച്ചെ തി​രു​വാ​ങ്കു​ളം ക​മ്പി​വേ​ലി​ക്ക​കം ഭാ​ഗ​ത്ത് റെ​യി​ൽ​വേ ട്രാ​ക്കി​ലാ​ണ് മൃ​ത​ദേ​ഹം ക​ണ്ട​ത്.

പു​ല​ർ​ച്ചെ 4.45നും 5.15​നു​മി​ട​യി​ൽ ക​ട​ന്നു​പോ​യ ട്രെ​യി​ൻ ത​ട്ടു​ക​യാ​യി​രു​ന്നു​വെ​ന്ന് പ​റ​യു​ന്നു. ഒ​ന്ന​ര വ​ർ​ഷ​മാ​യി എ​രൂ​ർ വെ​ണ്ട്ര​പ്പി​ള്ളി അ​പ്പാ​ർ​ട്ട്മെ​ന്‍റി​ൽ മ​ക​ളോ​ടും മ​രു​മ​ക​നോ​ടു​മൊ​പ്പ​മാ​യി​രു​ന്നു താ​മ​സം. ഒ​രു വ​ർ​ഷം മു​മ്പ് വ്യാ​ജ ട്രേ​ഡിം​ഗി​ൽ​പ്പെ​ട്ട് മൂ​ന്ന് കോ​ടി രൂ​പ​യോ​ളം രാ​ജ​ൻ ന​മ്പൂ​തി​രി​ക്ക് ന​ഷ്ട​മാ​യി​രു​ന്നു. യു​എ​സ് സ്റ്റോ​ക്ക് മാ​ർ​ക്ക​റ്റ് ട്രേ​ഡ് എ​ന്ന വ്യാ​ജ ആ​പ്പാ​ണ് വി​ല്ല​നാ​യ​ത്. മൂ​ന്നാ​ഴ്ച​യ്ക്കു​ള്ളി​ലാ​യി​രു​ന്നു മൂ​ന്ന് കോ​ടി രൂ​പ ത​ട്ടി​പ്പു​സം​ഘം കൈ​ക്ക​ലാ​ക്കി​യ​ത്. ത​ട്ടി​പ്പാ​ണെ​ന്ന് തി​രി​ച്ച​റി​ഞ്ഞ​തോ​ടെ ഇ​ട​പാ​ട് അ​വ​സാ​നി​പ്പി​ക്കു​ക​യാ​യി​രു​ന്നു. തു​ട​ർ​ന്ന് ഇ​ത് സം​ബ​ന്ധി​ച്ച് സൈ​ബ​ർ പോ​ലീ​സി​ൽ രാ​ജ​ൻ ന​മ്പൂ​തി​രി ന​ൽ​കി​യ പ​രാ​തി​യി​ൽ അ​ന്വേ​ഷ​ണം ന​ട​ക്കു​ന്നു​ണ്ട്.

പ​ണം ന​ഷ്ട​പ്പെ​ട്ട​തി​ന് പി​ന്നാ​ലെ ഒ​രു മാ​സ​ത്തോ​ളം മ​നോ​വി​ഷ​മ​ത്തി​ലാ​യി​രു​ന്നു രാ​ജ​ൻ ന​മ്പൂ​തി​രി. പി​ന്നീ​ട്, ക​ഴി​ഞ്ഞ കു​റ​ച്ചു നാ​ളു​ക​ളാ​യി കാ​ര്യ​മാ​യ വി​ഷ​മ​മൊ​ന്നും പ്ര​ക​ടി​പ്പി​ച്ചി​രു​ന്നി​ല്ലെ​ന്ന് വീ​ട്ടു​കാ​ർ പ​റ​ഞ്ഞു. സ്റ്റോ​ക്ക് മാ​ർ​ക്ക​റ്റി​ലും ട്രേ​ഡിം​ഗി​ലും ത​ൽ​പ്പ​ര​നാ​യി​രു​ന്ന രാ​ജ​ൻ ന​മ്പൂ​തി​രി മ​റ്റു പ​ല ഓ​ൺ​ലൈ​ൻ ട്രേ​ഡിം​ഗു​ക​ളും ചെ​യ്യു​ന്നു​ണ്ടാ​യി​രു​ന്നു.

പോ​സ്റ്റ്മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു ന​ൽ​കി​യ മൃ​ത​ദേ​ഹം ചെ​റു​തു​രു​ത്തി​യി​ൽ സം​സ്ക​രി​ച്ചു. ഭാ​ര്യ: ഇ​ന്ദി​ര (റി​ട്ട. ബി​എ​സ്എ​ൻ​എ​ൽ). മ​ക്ക​ൾ: സു​ക​ന്യ, സു​ജി​ത്ത്. മ​രു​മ​ക​ൻ: ശ്രീ​നാ​ഥ്.

Tags : nattu vishesham Retired BSNL employee railway tracks