കെമിസ്ട്രിയിൽ പിഎച്ച്ഡി നേടിയ ഡോ. ഒ.പി. ഫർസാനയ്ക്ക് പുലാമന്തോൾ "സഖി വനിത' കൂട്ടായ്മ ഭാരവാഹികൾ അവാർഡ് നൽകുന്നു.
പുലാമന്തോൾ: ലോക കാൻസർ ദിനത്തിൽ പുലാമന്തോൾ "സഖി വനിത' കൂട്ടായ്മയും പെരിന്തൽമണ്ണ മൗലാന ആശുപത്രിയും ചേർന്ന് വനിതകൾക്കായി കാൻസർ ബോധവത്കരണ സെമിനാർ സംഘടിപ്പിച്ചു. പുലാമന്തോൾ എയുപി സ്കൂളിൽ നടത്തിയ പരിപാടിയിൽ മൗലാന ആശുപത്രിയിലെ ഗൈനക്കോളജി വിഭാഗം ഡോ. വിജി കൊളത്തോടൻ ക്ലാസ് നയിച്ചു.
പഞ്ചായത്തിൽനിന്ന് ഉന്നതവിദ്യാഭ്യാസ രംഗത്ത് മികവ് പുലർത്തുന്ന വനിതകൾക്ക് "സഖി കൂട്ടായ്മ'യ ഏർപ്പെടുത്തിയ സഖി വുമണ് അക്കാഡമിക് നായിക അവാർഡ് കെമിസ്ട്രിയിൽ പിഎച്ച്ഡി നേടിയ ഡോ. ഒ.പി. ഫർസാനയ്ക്ക് ലഭിച്ചു. അയ്യായിരം രൂപയും പ്രശസ്തി പത്രവും അടങ്ങുന്നതാണ് സ്വാൻ അവാർഡ്. "സ്ത്രീ അന്നും ഇന്നും' വിഷയത്തിൽ സഖി കൂട്ടായ്മ നടത്തിയ ലേഖന മത്സരവിജയി വത്സല ദേവിയെ ആദരിച്ചു.
സഖി പ്രസിഡന്റ് വി.എം. സീനത്ത്, സെക്രട്ടറി ഡോ. സ്മിത റഹ്മാൻ, ട്രഷറർ അന്നത്ത് എന്നിവർ പങ്കെടുത്തു.
Tags : Local News Nattuvishesham Malappuram