മലയോരഹൈവേയിലെ അപകടപരമ്പരകളോട് അധികൃതർ കാണിക്കുന്ന നിസംഗതയ്ക്കെതിരേ കോൺഗ്രസിന്റെ നേതൃത്വത്തിൽ നടത്തുന്ന 24 മണിക്കൂർ ഉപവാസ സമരം ഡിസിസി പ്രസിഡന്റ് പ
മാലോം: മലയോര ഹൈവേയിലെ അശാസ്ത്രീയമായ നിർമാണങ്ങൾ മൂലം അപകടപരമ്പരകൾ ആവർത്തിക്കുമ്പോഴും അധികൃതർ കാണിക്കുന്ന നിസംഗതയ്ക്കെതിരേ മൂന്നു മലയോര പഞ്ചായത്തുകളിലെ കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ ബഹുജന പങ്കാളിത്തത്തോടെയുള്ള 24 മണിക്കൂർ ഉപവാസസമരം ആരംഭിച്ചു.
ഡിസിസി പ്രസിഡന്റ് പി.കെ. ഫൈസൽ സമരം ഉദ്ഘാടനം ചെയ്തു. ബളാൽ, വെസ്റ്റ് എളേരി, ഈസ്റ്റ് എളേരി പഞ്ചായത്തുകളിൽനിന്നുള്ള ജനപ്രതിനിധികളും പ്രവർത്തകരും നാട്ടുകാരും ഉപവാസസമരത്തിൽ പങ്കാളികളായി.
സമരസമിതി ചെയർമാൻ ടോമി പ്ലാച്ചേരി അധ്യക്ഷത വഹിച്ചു. കർഷക കോൺഗ്രസ് ജില്ലാ പ്രസിഡന്റ് രാജു കട്ടക്കയം, യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജോമോൻ ജോസ്, ഡിസിസി വൈസ് പ്രസിഡന്റുമാരായ ബി.പി. പ്രദീപ് കുമാർ, പി.ജി. ദേവ്, ജനറൽ സെക്രട്ടറിമാരായ പി.വി. സുരേഷ്, ഹരീഷ് പി. നായർ, പഞ്ചായത്ത് പ്രസിഡന്റുമാരായ മേഴ്സി മാണി, എ. ലത, ജില്ലാ പഞ്ചായത്തംഗം ബിൻസി ജെയിൻ, ബ്ലോക്ക് പഞ്ചായത്തംഗം എ.വി. ഭാസ്കരൻ, ഈസ്റ്റ് എളേരി പഞ്ചായത്ത് വൈസ് പ്രസിഡന്റ് ജോസഫ് മുത്തോലി, മീനാക്ഷി ബാലകൃഷ്ണൻ, ഉമേശൻ വേളൂർ, ജോയ് ജോസഫ്, എം.പി. ജോസഫ്, ജോർജ് കരിമഠം, പ്രമോദ് മക്കാക്കോടൻ, സി.വി. ഭാവനൻ എന്നിവർ പ്രസംഗിച്ചു.