കോടഞ്ചേരി: സംസ്ഥാന സീനിയർ സോഫ്റ്റ്ബേസ്ബോൾ ചാമ്പ്യൻഷിപ്പിൽ വയനാട് വനിതാ വിഭാഗം ചാന്പ്യൻമാരായി. കോഴിക്കോടിനെ 42-46 ന് തോൽപ്പിച്ചാണ് വയനാട് ചാന്പ്യൻമാരായത്.
കണ്ണൂർ, പത്തനംതിട്ട ജില്ലകൾ മൂന്നാം സ്ഥാനം നേടി. വിജയികൾക്ക് സോഫ്റ്റ്ബേസ്ബോൾ അസോസിയേഷൻ സംസ്ഥാന സെക്രട്ടറി പി.എം. എഡ്വേർഡ് ട്രോഫികൾ വിതരണം ചെയ്തു.
സംസ്ഥാന ട്രഷറർ ഷിജോ സ്കറിയ അധ്യക്ഷത വഹിച്ചു. നോബിൾ കുര്യാക്കോസ്, നവനീത് കുമാർ, കെ.അക്ഷയ്, കെ.കെ. ഷിബിൻ, ടി. ജാബിർ ഫവാസ്, വിപിൽ വി. ഗോപാൽ, ടി.യു ആദർശ് എന്നിവർ പ്രസംഗിച്ചു. ചാമ്പ്യൻഷിപ്പിൽ നിന്നും തെരഞ്ഞെടുക്കപ്പെട്ട താരങ്ങൾ പൂനയിൽ നടക്കുന്ന സീനിയർ നാഷണൽ ചാമ്പ്യൻഷിപ്പിൽ പങ്കെടുക്കും.