മുട്ടുചിറ സെന്റ് ആഗ്നസ് ഹൈസ്കൂളിലെ വിദ്യാര്ഥികള് കടുത്തുരുത്തി സെന്ട്രല് ജംഗ്ഷനില് തെരുവുനാടകം അവതരിപ്പിക്കുന്നു.
കടുത്തുരുത്തി: സാമൂഹിക പ്രശ്നങ്ങളില്നിന്നു മുഖംതിരിക്കാതെ പ്രതിബദ്ധതയോടെ പ്രവര്ത്തിക്കാന് ഓരോ പൗരനും ധാര്മിക ഉത്തരവാദിത്വമുണ്ടെന്ന സന്ദേശവുമായി വിദ്യാര്ഥികളുടെ തെരുവു നാടകം. മുട്ടുചിറ സെന്റ് ആഗ്നസ് ഹൈസ്കൂളിലെ 31 ഏഴാം ക്ലാസ് വിദ്യാര്ഥികളാണ് തെരുവുനാടകം അവതരിപ്പിച്ചത്.
കടുത്തുരുത്തി സെന്ട്രല് ജംഗ്ഷനിൽ തെരുവുനാടകത്തിനു മുന്നോടിയായി നടന്ന യോഗം കടുത്തുരുത്തി പഞ്ചായത്ത് പ്രസിഡന്റ് റോയ് ജോര്ജ് വെട്ടിക്കത്തടത്തില് ഉദ്ഘാടനം ചെയ്തു. സ്കൂള് മാനേജര് ഫാ. ഏബ്രഹാം കൊല്ലിത്താനത്തുമലയില് അധ്യക്ഷത വഹിച്ചു.
കടുത്തുരുത്തി സെന്റ് മേരീസ് ഫൊറോനാ താഴത്തുപള്ളി വികാരി ഫാ. ജോണ് പാളിത്തോട്ടം, സഹവികാരി ഫാ. ഏബ്രഹാം പെരിയപ്പുറം, പിടിഎ പ്രസിഡന്റ് സുരേഷ് വര്ഗീസ്, ഹെഡ്മിസ്ട്രസ് സില്ജ മാത്യൂസ് തുടങ്ങിയവര് പ്രസംഗിച്ചു.
Tags : Local News Nattuvishesham Kottayam